Saltanat Tursynbekova saılaý naýqanynyń aralyq qorytyndy esebin berdi

ALMATY. QazAqparat - Saltanat Tursynbekova ózin el prezıdenti laýazymyna kandıdat etip usynǵan «Qazaq analary – dástúrge jol» respýblıkalyq qoǵamdyq birlestiginiń ókilderine saılaý naýqanynda búginge deıin jasalǵan jumystar boıynsha qorytyndy esep berdi.Bul týraly kandıdattyń shtabynan málim etti, dep habarlaıdy QazAqparat.

Prezıdenttikke kandıdat Saltanat Tursynbekova saılaýaldy úgit-nasıhat jumystaryn júrgizgen 16 kúnde alty óńirde boldy: Astanada, Qaraǵandy oblysynda, Aqmola oblysynda, Túrkistan oblysynda, Shymkent jáne Almaty qalalarynda halyqtyń túrli toptarymen kezdesýler ótkizdi.

Shtab málimetterine sáıkes, kandıdat 6 óńirde 3000-nan asa turǵynmen 15 kezdesý ótkizgen.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.