Saltanat Tursynbekova Pavlodardaǵy nashaqorlarǵa arnalǵan ortalyqta boldy

PAVLODAR. QazAQparat - Búgin QR prezıdenttigine kandıdat Saltanat Tursynbekova Respýblıkalyq psıhıkalyq densaýlyq ǵylymı-praktıkalyq ortalyǵynyń Pavlodar qalasyndaǵy fılıalynda boldy, dep habarlaıdy QazAqparat kandıdattyń shtabyna siltememen.

Munda ishimdik pen esirtkige táýeldi azamattar ońaltýdan ótedi. Qoǵam qaıratkeri álemdik jáne otandyq statıstıkany atap ótti. Álemde psıhoaktıvti zattardy belsendi túrde qoldanatyn shamamen 275 mıllıon adam bar. Esirtki jyl saıyn 500 myńnan astam adamnyń ólimine sebepker bolady. Densaýlyq saqtaý mınıstrliginiń málimetinshe, elimizde 18,5 myńnan astam nashaqor tirkelgen. Onyń ishinde 1,5 myń áıel bar.
Buǵan deıin kandıdat Saltanat Tursynbekova Atyraýda Qazaqstandaǵy ana men bala ólimi taqyrybyna arnalǵan jıyn ótkizgenin habarlaǵan bolatynbyz.
Aıta keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada prezıdent saılaýy ótedi