Saltanat Tursynbekova Aqtaýda jalǵyzbasty analarmen kezdesti

AQTAÝ. QazAqparat - Qazaqstan Respýblıkasy prezıdenttigine kandıdat Saltanat Tursynbekova Aqtaýda jalǵyzbasty analarmen kezdesý ótkizdi. Bul týraly kandıdattyń shtabynan málim etildi, dep habarlaıdy QazAqparat.

S.Tursynbekova Іshki ister mınıstrligine silteme jasaı otyryp, birneshe tsıfrlardy atady.

2021 jyly Qylmystyq kodekstiń 139-baby boıynsha alıment tólemegeni úshin 300-den astam boryshker qylmystyq jaýapkershilikke tartyldy, olardyń jartysyna bas bostandyǵyn shekteý ne aıyrýǵa qatysty naqty merzimder belgilendi. Al 6 myńnan astam boryshker ákimshilik jaýapkershilikke tartyldy. Bul rette qaryzdyń jalpy somasy júzdegen mıllıard teńgeni qurasa, sot oryndaýshylarynyń atqarýynda júzdegen myń is jatyr.

Buǵan deıin Saltanat Tursynbekova saılaýaldy úgit-nasıhat jumystarymen Qaraǵandy, Aqmola, Túrkistan oblystarynda, Astana, Shymkent jáne Almaty qalalarynda halyqtyń túrli toptarymen kezdesý ótkizgenin habarlaǵan edik.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.