Saltanat Núkenovanyń aǵasy Bıshimbaevtan moraldyq shyǵyn óndirip ala ma

<p>ASTANA. KAZINFORM &ndash; Marqum Saltanat Núkenovanyń aǵasy Aıtbek Amangeldiniń aryzyna sáıkes, 24 jylǵa sottalǵan eks-mınıstr Qýandyq Bıshimbaevtyń ústinen materıaldyq jáne moraldyq shyǵyndy óndirý týraly<a href="https://office.sud.kz/" target="_blank" rel="noopener"> azamattyq is qozǵaldy.</a></p>

Astana qalasynyń Azamattyq ister jónindegi aýdanaralyq sotynyń sýdıasy D.T.Djýmaev azamattyq is materıaldaryn zerdeleı kele, QR AІJK-niń 52-babynyń 1-bóligine sáıkes, úshinshi tulǵalardyń 1999 jylǵy 20 jeltoqsandaǵy № 109-babynyń 1-tarmaǵyna sáıkes qylmystyq is júrgizý quqyǵynan aıyrǵanyn anyqtady.

Bul rette, Saltanat pen Aıtbektiń ata-analary – Amangeldi men Jumagúl Núkenovter daýdyń nysanasyna óz betinshe talaptar qoımaǵan úshinshi tulǵa retinde tartylǵan.

«Sot QR AІJK-niń 52, 268, 269-baptaryn basshylyqqa ala otyryp, Aıtbek Amangeldiniń Bıshimbaev Qýandyq Ýálıhanulyna qatysty materıaldy óndirý týraly talap aryzy boıynsha keltirilgen zalal jáne moraldyq zııandy óteý isine úshinshi tulǵalar retinde daýdyń nysanasy boıynsha óz betinshe talaptaryn málimdemeıtin Amangeldi Temirshotuly Núkenov, Jumagúl Kósherhanqyzy Núkenova tartylsyn», - delingen sot materıalynda.

Sot otyrysy bıyl 3 qyrkúıekte saǵat 11:00-de ótedi.

Aıta keteıik, negizgi sot otyrysynda marqumnyń otbasy sottalýshydan aqshalaı ótemaqy talap etpegen edi. Advokat Janna Ýrazbahovanyń aıtýynsha, Núkenovanyń týystary ol kezde aqsha týraly múldem oılamaǵan, sebebi «qansha qarajat usynsa da, Saltanat qaıtyp kelmeıdi» degen oıda júrgen.

Bul aryzdyń ózindik sebebi bar. Sottalýshy Qýandyq Bıshimbaev materıaldyq jáne moraldyq shyǵyndy tolyq ótemeı shartty túrde merziminen buryn bosap shyǵa almaıdy. Sondyqtan da iri kólemdegi moraldyq jáne materıaldyq shyǵyndy óndirý týraly talap qoıý Saltanat Núkenovanyń týystaryna mańyzdy bolyp otyr.