Saltanat Begasylova Astana qalalyq Polıtsııa departamenti bastyǵynyń orynbasary boldy
21:58, 22 Mamyr 2023
ASTANA. QazAqparat – QR Іshki ister mınıstri Marat Ahmetjanovtyń buıryǵymen Astana qalasy Polıtsııa departamenti bastyǵynyń orynbasary qyzmetine polıtsııa polkovnıgi Saltanat Begasılova taǵaıyndaldy, dep habarlaıdy QazAqparat Polisia.kz saıtyna silteme jasap.
Astana qalasy Polıtsııa departamentiniń bastyǵy Marat Tólebaev ony jeke quramǵa tanystyrdy.
Saltanat Begasılova 1972 jyly 29 tamyzda Almaty oblysy Qaratal aýdany Úshtóbe qalasynda dúnıege kelgen. Іshki ister organdarynda 25 jyl túrli laýazymdarda qyzmet etken. Sońǵy 3 jylda QR ІІM Aqparattandyrý jáne baılanys departamenti bastyǵynyń orynbasary, Perspektıvaly tehnologııalar basqarmasy bastyǵynyń orynbasary qyzmetterin atqarǵan.
Jańa orynbasar elordada quqyq qorǵaý júıesiniń jumysyn jetildirý úshin mańyzdy bolyp tabylatyn tsıfrlandyrý men aqparattandyrýdy damytý jónindegi máselelerge jetekshilik etedi.