Salyqtyń eki teńgesi tólenbeı qalsa, esepshotty buǵattap tastaıdy - Mereke Qulkenov
Jınalǵandar Memleket basshysynyń 2 qyrkúıekte jarııalanǵan «Ádiletti Qazaqstan: zań men tártip, ekonomıkalyq ósim, qoǵamdyq optımızm» joldaýyndaǵy aıtylǵan mańyzdy baǵyttardy talqylady.
«Bizde salyq saıasaty óte qatal. Salyqtyń eki teńgesi tólenbeı qalsa, esepshotty buǵattap tastaıdy. Prezıdentimiz joldaýynda sony aıtyp otyr. Biz jazýshylar men aqyndar kitap shyǵaramyz ǵoı. Sol kezde qosymsha 12% salyq tóleımiz. Al olar bizdiń kitapty shyǵarý úshin qaǵaz, boıaý satyp alatynymyzdy bilmeıdi. Bul kerek-jaraqtar shet elden keletini taǵy bar. Meniń oıymsha, bank júıesine zań shyǵarý kerek, bir baǵytqa júıeleý qajet. Prezıdenttiń joldaýyndaǵy 8-9 pýnktterde kókeıde júrgen máseleniń barlyǵy aıtylǵan. Sondaı-aq joldaýda aıtylǵan AES máselesine qatysty jazýshylarymyz da shet qalmaı óz pikirin bildirý kerek», - dedi Qazaqstannyń Jazýshylar odaǵynyń tóraǵasy Mereke Qulkenov.
Basqosý barysynda aqyn-jazýshylar joldaýdaǵy bank, qarjy júıesi jaıly toqtalyp ótti.
«Joldaýda kóptiń kókeıinde júrgen másele kóterildi. Memleket basshysy Amanat partııasynyń «Qaryzsyz qoǵam», «Aýyl amanaty» jobasyna qatysty oıyn jetkizdi. Sondaı-aq sýbsıdııalardy agroónerkásipke, aýyl sharýashylyǵyna baǵyttaý kerektigin aıtty. Menińshe, bul usynystar keleshekte júzege asyp, elimizdiń aýyl sharýashylyǵy men ónerkásibi damyp, tasy órge domalaıdy», - dedi aqyn Almas Ahmetbekuly.
Osyǵan deıin QR Parlamenti Senatynyń Tóraǵasy Máýlen Áshimbaev Prezıdent júktegen tapsyrmalardy iske asyrý úshin sapaly zańdar qabyldaý mindeti turǵanyn aıtqan bolatyn.