Salyq túsimderiniń tómendeý sebebi nede – mınıstr basty faktorlardy atady

<p>ASTANA. KAZINFORM &ndash; Qarjy mınıstri Mádı Tákıev salyq túsimderiniń tómendeýine qandaı faktorlar áser etkenin túsindirdi.</p>

«Birinshiden, «Teńiz Shevroıl» boıynsha bolashaqta keńeıtý jobasyn iske qosý merzimi 2025 jylǵa aýystyrýǵa baılanysty munaı óndirý kólemi 5,1 mln tonnaǵa tómendedi. Bul shıki munaıǵa eksporttyq keden bajy boıynsha túsimderdiń 200 mlrd teńgege azaıýyna ákelip soqty. Ekinshiden, byltyr 594 mlrd teńge somasynda boryshty qaıtarýǵa baılanysty qosymsha qun salyǵyn qaıtarýdyń ósýi. Ótken jylmen salystyrǵanda, bıyl bıýdjetten qosymsha qun salyǵyn 3 ese artyq qaıtardyq», - dedi Mádı Tákıev Májilistiń jalpy otyrysynda.

Mınıstr salyq túsimderiniń tómendeýiniń úshinshi sebebin úshinshi elderdiń ımport kóleminiń 6,4%-ǵa azaıýymen baılanystyrdy.

«Negizgi eksporttyq taýarlardyń (metaldar men munaıdyń) álemdik baǵalary sııaqty syrtqy faktorlardyń turaqsyzdyǵy respýblıkalyq bıýdjettiń kiris bóligine keri áser etti. Bul úrdis jyl boıy birqatar metaldar boıynsha saqtalyp otyr. Odan bólek geosaıası jaǵdaıǵa baılanysty iri kompanııalardyń logıstıkalyq shyǵyndary ulǵaıdy. Kompanııalar tabystarynyń tómendeýine baılanysty, salyq túsimderi shamamen 350 mlrd teńgege tómendedi», - dep túsindirdi vedomstvo basshysy.

Buǵan deıin Ulttyq ekonomıka mınıstri respýblıkalyq bıýdjettiń kiris somasyn atady.