Salyq kodeksi jobasynyń negizgi tásilderi Sheteldik ınvestorlar keńesine tanystyryldy

<p>UEM jańa Salyq kodeksi jobasynyń negizgi tásilderin QR Prezıdenti janyndaǵy Sheteldik ınvestorlar keńesiniń jumys tobyna tanystyrdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Іs-sharaǵa Ulttyq ekonomıka mınıstri Álibek Qýantyrov, Ulttyq ekonomıka vıtse-mınıstri Azamat Ámrın jáne QR Prezıdenti janyndaǵy ShIK (Sheteldik ınvestorlar keńesi)ınvestıtsııalyq saıasatty iske asyrý jónindegi jumys tobynyń músheleri qatysty.

Kezdesý barysynda QQS-ty (qosylǵan qun salyǵy) 12%-dan 16%-ǵa deıin kóterý, joǵary tabysty salalar úshin KTS (korporatıvtik tabys salyǵy) stavkalaryn saralaý máseleleri talqylandy.

Foto: UEM

Jalaqy boıynsha tabystar úshin JTS (jeke tabys salyǵy) mólsherlemesin ulǵaıtýǵa qatysty 2 satyly mólsherlemeler shkalasy usynylady. Jylyna 40 mln. teńgege deıingi jalaqy úshin 10% mólsherleme saqtalady. Al eger tabys osy somadan asyp ketse, 15% mólsherleme boıynsha salyq salý josparlanýda.

Sondaı-aq, «sán-saltanat» zattaryna qosymsha aktsızder, onyń ishinde qunynyń 10% mólsherinde qymbat alkogol jáne temeki ónimderine aktsızder engizý máselesi boıynsha jumys júrgizilýde. Sonymen qatar, qymbat múlikke salyq salýdyń jańa tásilderi usynylady. Atap aıtqanda, ıahtalarǵa, jeke ushaqtarǵa (aýyl sharýashylyǵynda qoldanylatyn ushaqtardy qospaǵanda) salyq stavkalaryn ulǵaıtý.

 

Foto: UEM

UEM basshysy atap ótkendeı, jańa Salyq kodeksi sarapshylarmen jáne bıznes-qoǵamdastyqpen birlesip ázirlenip jatyr, sondaı-aq Parlament Májilisiniń depýtattarymen turaqty kezdesýler ótkizilýde.

-Barlyq tásilder salyq tóleýshiniń qyzmetin jeńildetýge baǵyttalǵan. Jańa Salyq kodeksi turaqty, qarapaıym jáne qoldanýǵa yńǵaıly bolady. Inflıatsııaǵa aıtarlyqtaı qysym bolmaıdy. Kerisinshe, bul qazaqstandyq taýarlardyń básekege qabilettiligin arttyrýǵa, tıisinshe baǵany turaqtandyrýǵa múmkindik beredi. Qazaqstanda QQS ósimi salyq tóleýshilerdiń tek 5,5%-na ǵana tikeleı áser etedi. Onyń ishinde 17,5 trln. teńgege jalpy ónim óndiretin 40%-y QQS tólemeıdi, - dedi mınıstr.

 

Foto: UEM

ShIK ókilderi usynylǵan tásilder boıynsha ustanymdaryn jetkizdi. Barlyq aıtylǵan máselelerdi Mınıstrlik muqııat qaraıtyn bolady. Jańa Salyq kodeksiniń jobasyn talqylaý boıynsha kezdesýler jalǵasady.