«Salamatty Qazaqstan» poıyzy 27 myńnan astam adamǵa medıtsınalyq kómek kórsetti

ASTANA. QazAqparat –«Samruk-Kazyna Trust» áleýmettik jobalardy damytý qorynyń bas dırektory Alfııa Adıeva «Salamatty Qazaqstan» medıtsınalyq poıyzynyń aralyq nátıjeleri jaıly aıtty, dep habarlaıdy QazAqparat tilshisi.

«Salamatty Qazaqstan» medıtsınalyq poıyzy «Samruk-Kazyna Trust» qorynyń qarjylaı qoldaýymen birinshi ret jolǵa shyǵyp otyrǵan joq. Bıyl ol 121 stansaǵa barady. 80 myńnan astam adamdy qamtý josparlanǵan. Osy jyly bizge jańa mamandar, atap aıtqanda zańgerler men medıatorlar qosyldy. Ótken aptada poıyz Qostanaı oblysynda bolsa, qazir Aqmola oblysyn aralap júr», - dedi Alfııa Adıeva elordada ótken brıfıng barysynda.

Onyń atap ótýinshe, «Salamatty Qazaqstan» medıtsınalyq poıyzynyń mamandary 26 sáýir men 17 shilde aralyǵynda Almaty, Pavlodar, Aqmola, Soltústik Qazaqstan, Shyǵys Qazaqstan, Qostanaı, Ulytaý, Jetisý jáne Abaı oblystarynyń 47 stansasynyń turǵyndaryna kásibı medıtsınalyq, zańgerlik jáne medıatıvti kómek kórsetip úlgerdi.

Qazirdiń ózinde shamamen 27 myń adam kásibı medıtsınalyq kómek aldy. Sonymen qatar, 1 854 turǵynǵa tegin zańgerlik jne medıatıvti kómek kórsetildi. 318 medıatıvti kelisimge qol qoıyldy.