«Salamatty Qazaqstan» medıtsınalyq poıyzy Tasqudyq stantsııasyna barady
Medıtsınalyq poıyz 16 maýsym kúni saǵat 21:19-da atalǵan aıadamaǵa kelip, patsıentterge kómek kórsetpek. Relstegi emhana 19 maýsymda saǵat 21:50-de Tasqudyq stantsııasynan júrip ketedi.
Jalpy, bul marshrýt eldegi medıtsınalyq kabınetter tapshy óńirlerdiń shalǵaı eldi mekenderin aralap júr. Osylaısha, bıyl shalǵaıdaǵy satnsalarǵa jaqyn turatyn halyq tegin medıtsınalyq tekserýden ótip, terapevt, stomatolog, oftalmolog, lor, hırýrg, ýrolog, mammolog, pedıatr jáne ózge de joǵary bilikti mamandardyń kómegine júgine alady.
Buǵan deıin medıtsınalyq poıyz Jetisý oblysynda bolǵan edi. Dárigerler Kóksý, Qalpe, Lepsi, Aqtoǵaı, Beskól stantsııalarynyń turǵyndaryna joǵary bilikti medıtsınalyq kómek kórsetti. Jetisý oblysy boıynsha Medıtsınalyq týr Dostyq stantsııasymen aıaqtaldy.
Jetisý oblysynan keıin medıtsınalyq poıyz Shyǵys Qazaqstan oblysyna baǵyt aldy. Dárigerler Shyǵys Qazaqstan oblysy Jarma, Ertis zaýyty, Tıshınskaıa, Ermakov, Taýsamaly, Altaı, Kúmistaý, Shar, Belaǵash jáne Sýyqbulaq stantsııalarynyń turǵyndaryna medıtsınalyq kómek kórsetti.
Osy aralyqta ShQO men Abaı oblysynda dárigerler 7 104 turǵyndy qabyldady, onyń ishinde 1 031 bala bar. Jalpy, dárigerge barǵandar sany – 19 414. Bul kezeńge deıin 550 shaǵyn hırýrgııalyq ota jasaldy.
Aıta keteıik, 26 sáýirde Almaty-2 stantsııasynan bastalǵan «Salamatty Qazaqstan» medıtsınalyq poıyzy 6 jeltoqsanǵa deıin júredi.
«Medıtsınalyq poıyz» jobasyn «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qory, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń jáne Densaýlyq saqtaý mınıstrliginiń qatysýymen, «Qazaqstan temir joly» UK» AQ janyndaǵy «Áleýmettik jobalar qory» korporatıvtik qorymen jáne aqparattyq seriktes - Jibek Joly telearnasymen birge júzege asyrady.