«Salamatty Qazaqstan» medıtsınalyq poıyzy Kóksý stansasyna aıaldaıdy

ASTANA. QazAqparat – Erteń Jetisý oblysyna qarasty Kóksý stansasynyń turǵyndary joǵary bilikti medıtsınalyq kómek ala alady. Dál osy stansaǵa «Salamatty Qazaqstan» medıtsınalyq poıyzy aıaldaıdy, dep habarlaıdy QazAqparat tilshisi.

Medıtsınalyq poıyz stansaǵa búgin saǵat 23:16-da kelip toqtaıdy.

Al erteńnen bastap stansa turǵyndary dárigerlerdiń qaraýyna baryp, qajetti medıtsınalyq protsedýralardan óte alady.

Poıyz eki kúnnen keıin, ıaǵnı 13 mamyr kúni tańerteńgi 08:30-da qaıta jolǵa shyǵady.

Medıtsınalyq poıyzdyń baǵdary medıtsınalyq kabınetteri joq óńirlerdi qamtıdy.

ıAǵnı, bıyl shalǵaı stansalardyń turǵyndary tegin tekserýden ótip, terapevt, stomatolog, oftalmolog, lor, hırýrg, ýrolog, mammolog, pedıatr syndy biliktiligi joǵary mamandardan em alady.

Poıyz zamanaýı dıagnostıkalyq jáne emdeý jabdyqtarymen, ÝDZ-men, flıýorografııalyq apparatpen, shaǵyn ota zerthanasymen, ınternetke symsyz qosylýǵa múmkindik beretin baılanys quralymen jabdyqtalǵan.

Jobany «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qory, QR Prezıdenti janyndaǵy áıelder isteri jáne otbasylyq-demografııalyq saıasat jónindegi ulttyq komıssııanyń jáne Densaýlyq saqtaý mınıstrliginiń qatysýymen, «Qazaqstan temir joly» UK» AQ janyndaǵy «Áleýmettik jobalar qory» korporatıvtik qorymen jáne aqparattyq seriktes - Jibek Joly telearnasymen birge júzege asyrady.

Aıta keterligi, medıtsınalyq poıyzdyń bul jolǵy qozǵalys kestesi de azamattar men memlekettik organdardyń ótinishi negizinde shalǵaıdaǵy stansalarda medıtsınalyq pýnktterdiń joqtyǵy eskerile otyryp jasalǵan.