«Salamatty Qazaqstan» aımaqtarǵa saparǵa shyqty

ASTANA. QazAqparat - Qaraǵandydan shyqqan «Salamatty Qazaqstan» medıtsınalyq poıyzy Jezqazǵan stantsııasyna kelip toqtady.Dárigerler brıgadasynyń quramynda terapevt, pedıatr, nevropatolog, okýlıst, lor, gınekolog, hırýrg, ýrolog, mammolog, stomatolog sııaqty bilikti birinshi jáne joǵary dárejeli mamandary bar. 

Medıtsınalyq poıyz qyzmetterin Qazaqstannyń shalǵaıdaǵy eldi mekenderiniń medıtsınalyq kómekke muqtaj turǵyndary, temirjol qyzmetkerleri men zeınetkerler jáne olardyń otbasy músheleri paıdalanýǵa múmkindikteri bar, dep habarlaıdy«Qazaqstan temir joly» UK» AQ baspasóz qyzmeti.

Poıyzdyń bas dárigeri Arman Ábishevtiń aıtýynsha, Jezqazǵan stantsııasynda qazirdiń ózinde jergilikti turǵyndardy qabyldap jatyr.

«QTJ» UK» AQ Áleýmettik jobalar qory ujymdyq qorynyń dırektory Erbol Keńgirbaev medıtsınalyq poıyzdar jumysyn uıymdastyrý barysyna tolyq toqtalyp ketti.
«QTJ qaı oblystarda jáne medıtsınalyq poıyzdardyń qanshalyqty, qaı ýaqytta bolǵanyna taldaý júrgizedi. Ár medıtsınalyq poıyz kóp beıindi mamandandyrylǵan konsýltatıvtik-dıagnostıkalyq kómek kórsetý úshin arnaıy jabdyqtalǵan, sondaı-aq medıtsınalyq personaldyń turýyna arnalǵan segiz vagonnan turady. Medıtsınalyq personal men poıyz brıgadasyna arnalǵan eki vagon-kýpede aýa baptaǵyshtar, teledıdarlar, tońazytqyshtar, sebezgi, bıo-dárethanalar men kir jýý orny ornatylǵan. Sondaı-aq vagon-restoran men vagon-dızeldi generatory bar. Onyń kúshi TJ jaǵdaıynda shaǵyn turǵylyqty eldi mekenderge jaryq berýge jetkilikti. Qalǵan tórt vagon tek halyqty qabyldaýǵa jáne medıtsınalyq kómek kórsetýge arnalǵan. Bul jaǵdaıda dárigerlerge arnalǵan jaıly vagondar, poıyzdardyń jolda jylyna 300 kún bolýyna oraı jabdyqtalǵan», -deıdi ol.

«Samruk-Kazyna Trust» áleýmettik jobalardy damytý qorynyń Basqarýshy dırektory Lıma Dıastyń aıtýynsha, jobanyń arqasynda stantsııalar men olarǵa irgeles jatqan eldi mekenderdiń halqy aýrýlardyń aldyn alý úshin medıtsınalyq tekserýden ótedi, qajetti alǵashqy kómek, kásibı konsýltatsııa men ári qaraı emdelý úshin jaqyn ornalasqan medıtsınalyq ortalyqtarǵa joldamalar alady. Budan buryn Elbasymyz medıtsınalyq poıyzdardyń jumysyn joǵary baǵalap, kóliktik medıtsınalyq qyzmet kórsetýdiń ózektiligin basa atap ótken bolatyn.

Qazaqstan» medıtsınalyq poıyzy Qaraǵandy qalasynan attanady jáne ol bıyl 11 sáýirden bastap 6 qarasha aralyǵynda ortalyq, soltústik, shyǵys óńirleriniń qalalary men keńsharlaryna barady.

Qazaqstannyń ońtústik jáne batys óńirleriniń halqy bıyl 18 sáýirden bastap 20 jeltoqsan aralyǵynda Almaty-1 stantsııasynan shyǵatyn «Densaýlyq» poıyzynyń joǵary biliktilikti medıtsınalyq kómegin ala alady.

Atap óterligi, «Salamatty Qazaqstan», «Járdem», «Densaýlyq» medıtsınalyq poıyzdary «QTJ» UK» AQ, QR Іshki ister mınıstrligi, «Samruk-Kazyna Trust» áleýmettik jobalardy damytý qorynyń qoldaýymen uıymdastyrylyp keledi.