«Salamatty Qazaqstan» poıyzy Ordabasy aýdanyna aıaldady

<p>&laquo;Salamatty Qazaqstan&raquo; poıyzy Ordabasy aýdanyna keldi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Salamatty Qazaqstan» medıtsınalyq poıyzy Ordabasy aýdanyndaǵy Badam aýyldyq okrýgine aıaldady. Dárigerler quramyn aýdan ákimi Azat Oralbaev kútip alyp, densaýlyq saqtaý salasy qyzmetkerleriniń jumysyna sáttilik tiledi. Al, jumys tobynyń bas dárigeri Aınur Qudaıbergenova turǵyndarǵa qyzmet alý barysyn túsindirdi.

Elimizdiń barlyq oblysyn aralap kele jatqan poıyz Ordabasy aýdanynda eki kún qyzmet kórsetedi. Dárigerler aýdan turǵyndaryn tańerteńgi saǵat 9:00-den keshki saǵat 18:00-ge deıin qabyldaıdy.

Foto: Túrkistan oblystyq kommýnıkatsııalar qyzmeti

8 vagonnan turatyn medıtsınalyq poıyz zamanaýı dıagnostıkalyq jáne medıtsınalyq jabdyqtarmen, shaǵyn operatsııalyq bólmemen, zerthanamen jabdyqtalǵan. Onda terapevt, stomatolog, oftalmolog, lor dárigeri, hırýrg, ýrolog, mammolog, pedıatr mamandary bar.

Aıta keteıik, budan aldyn «Salamatty Qazaqstan» medıtsınalyq poıyzy Túrkistan oblysyna qarasha aıynyń 4-nen bastap 17-ine deıin toqtaıtynyn jazǵan bolatynbyz.

Foto: Túrkistan oblystyq Óńirlik kommýnıkaıtsıalar qyzmeti