«Salamatty Qazaqstan» poıyzy Aqtóbe oblysynyń Muǵaljar aýdanyna aıaldaıdy

<p>Aqtóbe oblysynyń turǵyndary joǵary bilikti mamandardan medıtsınalyq kómek ala alady. &laquo;Salamatty Qazaqstan&raquo; medıtsınalyq poıyzy Muǵaljar aýdanyna barady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform agenttigi.</a></p>

«Salamatty Qazaqstan» medıtsınalyq poıyzy – áleýmettik joba. Ony iske asyrýda «Samruk-Kazyna» AQ-nyń «Samruk-Kazyna Trust» áleýmettik jobalardy damytý qory, QR Prezıdenti janyndaǵy Áıelder isteri jáne otbasylyq-demogrfııalyq saıasat jónindegi ulttyq komıssııasy, QR Densaýlyq saqtaý mınıstrligi jáne «Áleýmettik jobalar qorymen» birlese kóp jumys atqaryldy. «Salamatty Qazaqsan» áleýmettik jobasynyń negizgi aqparattyq seriktesi – QR Prezıdenti Teleradıokesheni.

QR Prezıdenti janyndaǵy Áıelder isteri jáne otbasylyq-demogrfııalyq saıasat jónindegi ulttyq komıssııasynyń qoldaýymen bıyl alǵash ret áleýmettik qoldaý, zeınetaqy taǵaıyndaý, áleýmettik tólem, ataýly áleýmettik kómek jóninde keńes alýǵa múmkindik jasaldy. Sonymen birge shalǵaı aýyl turǵyndary medıatsııa jáne zańgerlik keńes ala alady. Aqtóbeniń Muǵaljar aýylyna poıyz 10 qazan kúni saǵat 21:36-da aıaldaıdy. Eki kún boıy qyzmet kórsetedi, ıaǵnı 12 qazan kúni saǵat 20:40-qa deıin qabyldaý júredi.

Joba aıaqtalǵansha (2023 jyldyń 6 jeltoqsanyna deıin) poıyz barlyǵy 18 myń shaqyrym jol júredi. Mamandar medıtsınalyq, medıatsııalyq, quqyqtyq keńes beredi. Bıyl aýyl halqy terapevt, stomatolog, oftalmolog, hırýrg, ýrolog, mammolog, pedıatr sekildi salalardy qamtıtyn joǵary bilikti mamandardyń qabyldaýynda bolyp, qajet kezde shaǵyn ota da jasata alady. Tis emdeý de, julý da – tegin. Poıyz ishindegi apparattyń bári zamanaýı talapqa saı. Onda ÝZD, flıýorografııa apparaty, zerthana bar. Sonymen birge joǵary jyldamdyqty ınternet qosýly.