«Salamatty Qazaqstan» medıtsınalyq poıyzy Qyzylorda oblysynyń Ekpindi stantsııasyna keledi

<p>Qyzylorda oblysynyń turǵyndary joǵary bilikti dárigerler arqyly medıtsınalyq kómekke qol jetkizdi. Ekpindi stantsııasyna &laquo;Salamatty Qazaqstan&raquo; medıtsınalyq poıyzy keledi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Salamatty Qazaqstan» medpoıyzy áleýmettik jobasyn «Samruk-Kazyna Trust» áleýmettik jobalardy damytý qory «Samruk-Kazyna» AQ kompanııalar tobynyń atynan, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa men Densaýlyq saqtaý mınıstrliginiń qatysýymen, «Áleýmettik jobalar qory» Korporatıvtik qorymen birlesip júzege asyrýda. «Salamatty Qazaqstan» áleýmettik jobasynyń basty aqparattyq seriktesi – QR Prezıdentiniń Teleradıokesheni.

Bıylǵy jyldan bastap QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen azamattardyń memlekettik áleýmettik qoldaý alý quqyǵyn qorǵaý, zeınetaqy taǵaıyndaý, járdemaqy, áleýmettik tólemder men ataýly áleýmettik kómek máselesine baılanysty tegin keńes beriledi. Sondaı-aq, shalǵaı aımaq turǵyndary tegin medıatıvti jáne zańgerlik kómek ala alady.

Ekpindi stantsııasyna medıtsınalyq poıyz 31 qazanda saǵat 23:05-te kelip, 2 qarasha kúni saǵat 22:00-de saparyn ári qaraı jalǵastyrady.

Jobanyń sońy 2023 jylǵy 6 jeltoqsanda aıaqtalady. Sol ýaqytta medıtsınalyq poıyz 18 myń shaqyrymnan astam joldy artqa tastaıdy. Nátıjesinde eldiń eń shalǵaı stantsııalarynda turatyn azamattar joǵary bilikti medıtsınalyq, medıatıvtik jáne áleýmettik sala mamandarynyń qyzmetin paıdalana alady.

Áleýmettik joba medıtsınalyq kabınetteri joq aımaqtardy qamtıdy. ıAǵnı, bıyl shalǵaıdaǵy stantsııa turǵyndary taǵy da tegin tekserýden jáne emdelýden ótýge múmkindik aldy.

Medıtsınalyq poıyzda terapevt, stomatolog, oftalmolog, lor, hırýrg, ýrolog, mammolog, pedıatr jáne ózge de dárigerler halyqqa qyzmet kórsetti. Poıyz zamanaýı dıagnostıkalyq jáne emdik jabdyqtar, ýltradybystyq, flıýorografııalyq apparat, shaǵyn operatsııalyq bólme, zerthana, Internetke symsyz qol jetkizýge arnalǵan baılanys quralymen jabdyqtalǵan.

«QTJ-Júk tasymaly» JShS Almaty-2 stantsııasynan 26 sáýirde bastalǵan jáne bıylǵy jyldyń 6 jeltoqsanyna deıin júretin «Salamatty Qazaqstan» medıtsınalyq poıyzynyń kestesin bekitti.

Medıtsınalyq poıyzdyń qazirgi qozǵalys kestesi shalǵaıdaǵy stantsııalarda medıtsınalyq pýnkttiń joqtyǵyn eskere otyryp jasaldy. Oǵan qosa azamattar men memlekettik organdardyń ótinishteri negizinde júzege asty.

Eske salsaq, budan buryn «Salamatty Qazaqstan» poıyzy Qyzylorda oblysynyń Belkól kentinde turǵyndarǵa qyzmet kórsetkeni jóninde habarlaǵan edik.