«Salamatty Qazaqstan» medıtsınalyq poıyzy 24 shilde kúni SQO-ǵa keledi

<p>PETROPAVL. KAZINFORM &ndash; 24-shilde men 31-shilde aralyǵynda &laquo;Salamatty Qazaqstan&raquo; mamandandyrylǵan medıtsınalyq poıyzy Soltústik Qazaqstan oblysynda turǵyndardy qabyldap, medıtsınalyq kómek kórsetedi.&nbsp;</p>

«Áleýmettik medıtsınalyq saqtandyrý qory» KEAQ SQO boıynsha fılıaly baspasóz qyzmetiniń málimetinshe, dárigerlik brıgadanyń quramynda terapevt, hırýrg, pedıatr, psıholog, nevropatolog, ýltradybystyq dıagnostıka mamany, jalpy praktıka dárigeri, rentgenolog, kardıolog, stomatolog, oftalmolog, otolarıngolog, onkolog-mammolog, gınekolog jáne ýrolog medıtsınalyq kómek kórsetedi. Poıyz zamanaýı dıagnostıkalyq quraldarmen, sońǵy úlgidegi medıtsınalyq qural-jabdyqtarmen qamtamasyz etilgen.

«Salamatty Qazaqstan» medıtsınalyq poıyzynyń SQO-da turǵyndardy qabyldaý kestesi:
24 shilde - Aqsýat stantsııasy;
24 shilde - Qaırankól stantsııasy;
25 shilde - Presnogorkovskoe stantsııasy;
28 shilde - Taıynsha stantsııasy;
29 shilde - Chkalov stantsııasy;
29 shilde - Dáýit stantsııasy;
30 shilde - Qyzyl tý stantsııasy.

Medıtsınalyq poıyz dárigerleri óńir turǵyndaryn tańǵy saǵat 09.00-den keshki 18:00-ge deıin, bir saǵat túski úzilispen MÁMS aıasynda aqysyz negizde qabyldaıdy.

Mamandardyń aıtýynsha, dárigerdiń qabyldaýyna baratyn túrǵyndar mindetti túrde jeke basty kýálandyratyn qujattardy ala barýy kerek. Medıtsınalyq qujattary bolsa, ony da umytpaǵan jón.

Áleýmettik joba QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń, QR Densaýlyq saqtaý mınıstrliginiń jáne «Samruk-Kazyna Trust» áleýmettik jobalardy damytý qorynyń «Samuryq-Qazyna» AQ kompanııalar tobynyń áriptestigi jáne “Áleýmettik medıtsınalyq saqtandyrý qory” KEAQ aıasynda iske asyrylyp keledi. 

Byltyr «Salamatty Qazaqstan» medıtsınalyq poıyzy elimizdiń 121 stantsııasymen ótip, 90 myńnan astam adamǵa kómek kórsetkenin jazǵan edik.