Salalyq ǵylymdy qarjylandyrý júıesinde problemalar bar - antıkor
Bul týraly ol «Adamı kapıtal - Jańa Qazaqstan damýynyń negizgi resýrsy» atty Ǵylym jáne joǵary bilim-2022 forýmynda aıtty.
Ahmetjanov óz sózinde júıeli sybaılas jemqorlyq táýekelderiniń bolýy jańa mınıstrlik pen JOO mıssııasyn tabysty iske asyrý úshin mańyzdy kedergi bolyp tabylatynyn eske saldy.
Mundaı sybaılas jemqorlyq táýekelderin elemeýdiń nátıjesi sońǵy úsh jylda joǵary oqý oryndarynyń ókilderine qatysty jyl saıynǵy sybaılas jemqorlyq qylmystaryn turaqty tirkeý bolyp tabylady.
2021 jyly Qazaq Ulttyq qyzdar pedagogıkalyq ýnıversıtetiniń burynǵy rektory, rektorynyń keńesshisi jáne ınjeneri Ýnıversıtetke tıesili 110 jer telimin zańsyz bólip, olardy 72 jalǵan tulǵaǵa resimdep, 95 mln teńge somasynda zalal keltirdi.
Sybaılas jemqorlyq faktileri reglamentteýshi NQA men bıznes-protsesterdi qaıta qaraý, sheshimder qabyldaýdyń eseptiligi men ashyqtyǵyn kúsheıtý qajettigin rastaıdy.
«Agenttik 2018 jyly Ǵylym komıtetiniń qyzmetindegi sybaılas jemqorlyq táýekelderine syrtqy taldaý júrgizip, 16 usynys engizdi. Olardy oryndaý boıynsha oń ózgerister baıqalýda.
Alaıda, qyzmet basshysy atap ótkendeı – «Salalyq ǵylymdy qarjylandyrý júıesi máseleleri áli de ózekti bolyp otyr. Ol osy maqsattarǵa bólinetin memlekettik qarajatty tıimdi paıdalanýdy yntalandyrmaıdy»»,-deıdi Saıan Ahmetjanov.
Bul rette ol memleket bóletin qarajattyń negizgi bóligi tikeleı ǵalymdarǵa, ıaǵnı nátıjelerge suranysty kúsheıte otyryp, tikeleı qarjylandyrý shemasyn engizýdi usyndy.
Sondaı-aq, jańadan qurylǵan mınıstrlik pen JOO basshylyǵy joǵary bilim berý salasyndaǵy ashyqtyq pen parasattylyqty ilgeriletý boıynsha buryn qabyldanǵan usynymdar men standarttarǵa nazar aýdarý qajettigin eskertti.
«Bul rette, burynǵy vedomstvo múddeli bolmaǵandyqtan, joǵary oqý oryndary olardy sapaly jáne tıimdi qoldanýyn qamtamasyz ete almady»,-dedi Prevetsııa qyzmetiniń basshysy.
Qorytyndylaı kele, Joǵary bilim jáne ǵylym mınıstri sybaılas jemqorlyqqa qarsy óz ustanymyn bildirip, joǵary oqý oryndarynyń basshylyǵyna parasattylyq qaǵıdattaryn saqtaý qajettigin aıtty.