Sál keshikse, órt bolýy múmkin edi – Abaı shahtasyndaǵy oqıǵanyń mán-jaıy

NUR-SULTAN. QazAqparat – QR Tótenshe jaǵdaılar mınıstri ıÝrıı Ilın Abaı shahtasynda tekserý júrgizgen Úkimettik komıssııa anyqtaǵan derekterdi aıtty, dep habarlaıdy QazAqparat tilshisi.

«K10 dep atalatyn jeldetý shtreginiń kenjarynda 2-4 qarasha aralyǵynda ken barlaý jáne jol arshý jumystaryna daıyndyq júrgizilgen. Sonyń arqasynda gazdınamıkalyq qubylystyń áseri báseń bolǵan jáne metannyń taralý aýqymy shektelgen. Dál 7 qarasha kúni saǵat 8.00-de tehnıkalyq aýysym jumysqa kirisip, daıyndyqty jalǵastyrǵan. ıAǵnı, eshqandaı burǵylaý jumystary júrgizilgen joq. Birinshi aýysym jumysqa kiriskennen keıin 20 mınýt ótkende metan kontsentratsııasynyń artýy tirkelgen. Onyń mólsheri ár 20-30 sekýnd saıyn óse kelip, shekti mán – 41%-ǵa jetedi. Bul densaýlyqqa qaterli mólsher qalyptasty degen sóz edi», - dedi ıÝrıı Ilın Qaraǵandy oblysyndaǵy óńirlik kommýnıkatsııalar qyzmetinde ótken brıfınginde.

Mınıstr zardap shekkender budan da kóp bolýy múmkin edi dep otyr.

«Shahtadaǵy gaz mólsherin baqylaıtyn kezekshi dıspetcherdiń jedel áreketiniń arqasynda elektr qýaty dereý ajyratylyp, jumysshylardy evakýatsııalaý týraly sheshim shyǵarylǵan. Sonyń arqasynda kóz jumǵandar sany - 6 adam boldy. Shahtada ot tutanǵan jaǵdaıda ondaǵy 64 adam túgel qaza tabýy múmkin edi», - dedi ıÝrıı Ilın.

Mınıstrdiń aıtýynsha, qaıtys bolǵan 6 adam aınalasy 2-3 mınýttyń ishinde ýlanǵan.

«Oqıǵa óte jyldam órbigen. Kenjarda qalǵan 6 adam aınalasy 2-3 mınýttyń ishinde ýlanyp úlgergen. Elektr qýaty ajyratylǵanyn kórgen shahta jumysshylarynyń biri ózdiginen qutqarý jumysyn bastap ketken. Sonyń arqasynda 2 kenshi aman qalyp otyr», - dep túıindedi Tótenshe jaǵdaılar mınıstri.

Eske salsaq, 7 qarasha kúni Qaraǵandy oblysynyń Abaı shahtasyndaǵy tótenshe jaǵdaıdan birneshe kenshi qaza tapqan bolatyn.

Búgingi brıfıng barysynda ıÝrıf Ilın apatta qaza bolǵan jumysshylardyń kinási dáleldenbegenin aıtty.