Sal dertimen aýyratyn qazaqstandyq balalarǵa Ózbekstanda tegin em kórsetilmek

<p>TAShKENT. KAZINFORM &ndash; Samarqandyq kompanııa elimizdiń Ózbekstanmen shekaralas oblystarynda turatyn tserebraldy sal dertimen aýyratyn balalarǵa tegin em usynbaq, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.&nbsp;</p>

Eki el arasyndaǵy óńirlik yntymaqtastyqty keńeıtý sheńberinde Qazaqstannyń Samarqandaǵy Bas konsýldyǵy jáne ózbekstandyq «SAG Group» kompanııasyna qarasty «Bionur» klınıkasymen memorandýmǵa qol qoıyldy. Oǵan saı, Ózbekstan tarapy Shymkent qalasy, Túrkistan jáne Qyzylorda oblystaryndaǵy sal dertine shaldyqqan balalarǵa aı saıyn tegin em alý úshin 12 kvota bólip otyrady.

Foto: Kazinform/Álıhan Asqar

Emnen bólek, kvotaǵa bala jáne onymen erip júretin 1 ata-ananyń turý jáne tamaqtaný shyǵyndary kiredi.

«Aıyna tegin 12 balaǵa jáne 12 qasyna erip júretin ata-anasyna tegin em beriledi. Ol tek em emes, jatatyn jerleri, tamaqtandyrý, dári-dármekpen qamtamasyz etý kómegin kórsetedi. Al jol aqysyn emdelýshilerdiń ózderi kóteredi», - dedi Qazaqstannyń Samarqandaǵy Bas konsýly Baýyrjan Dosmanbetov.

 

Emdelýge kvota alý elimizdegi oblystyq Densaýlyq saqtaý basqarmalary arqyly júzege asady.

Aıta ketsek, ońaltý ortalyǵy zamanaýı qondyrǵy, sońǵy úlgidegi qurylǵylarmen jabdyqtalǵan. Ár 10 kún saıyn 180 bala ońaltý kýrsynan ótedi. Negizinen munda syrqattyń jeńil jáne aýyr satysyndaǵy ózbekstandyq balalar tegin em qabyldap jatyr.