Saqtandyrý uıymdary qazaqstandyq kólik ıelerine 9 mlrd 176 mln teńge tólegen

ASTANA. QazAqparat – 1 maýsymdaǵy jaǵdaı boıynsha, saqtandyrý uıymdary qazaqstandyq kólik ıelerine 9 mlrd 176 mln teńge tólegen, dep habarlaıdy QazAqparat tilshisi.

Qarjy naryǵyn retteý jáne damytý agenttiginiń málimeti boıynsha, múlikti erikti túrde saqtandyrýmen aınalysatyn uıymdar qazaqstandyqtarǵa jyl basynan beri 39 mlrd 360 mln teńge ótep bergen.

Onyń ishinde avtomobıl kóligin saqtandyrý boıynsha 9 mlrd 176 mln teńge tólengen. Ózge qarjy shyǵyndarynan saqtandyrý baǵytynda 55 mln teńge, múlikti saqtandyrý baǵytynda 26 mlrd 544 mln teńge, azamattyq-quqyqtyq jaýapkershilikti saqtandyrý baǵytynda 565 mln teńge, ózge sanattar boıynsha 3 mlrd 20 mln teńge ótelgen.