Sáken Jasuzaqov: Áskerı jýrnalısterdi daıarlaý bastaldy
«Áskerı jýrnalısterdi daıarlaý júıesin jandandyrýǵa nıettimiz. Osy turǵyda qurlyqtaǵy ásker ınstıtýtyna alǵashqy qabyldaýdy iske asyrdyq. Degenmen de bul baǵytta áskerı kafedralarǵa (JOO-lar janyndaǵy) erekshe mán bermekpiz, sebebi suranys deńgeıi aıtarlyqtaı joǵary»,-dedi mınıstr.
Sonymen qatar Jasuzaqov bıyl ýnıversıtetter janyndaǵy áskerı kafedralarda bilim alǵan túlekter Qarýly kúshter qataryna kelisimshart negizinde qabyldanatynyn aıtty .
«Biz búginde qaıta baǵdarlaý sharalaryn júrgizip, birqatar kafedralarda qazirgi zamanǵy mamandyqtarǵa mán berip otyrmyz. Osy oraıda olar ІT-tehnololgııa, aqparattyq qaýipsizdik mamandyqtaryna baǵyt aldy. Meniń oıymsha, bul mamandar suranysqa ıe bolady. Aǵymdaǵy jyly áskerı kafedralardyń túlekterin erikti negizde kelisimshart boıynsha Qarýly Kúshter qataryna shaqyrýdy tapsyrdym»,-dedi mınıstr.
Onyń sózine qaraǵanda, bul turǵyda JOO-lar janyndaǵy áskerı kafedralar túlekteriniń bilimi tekseristen ótetin bolady. «Bizde áskerı dárigerler, artıllerıster men baılanys mamandary boıynsha birshama tapshylyq bar»,-dedi Jasuzaqov.