Sáken Seıfýllınniń buryn-sońdy jarııalanbaǵan vıdeosy tabyldy

<p>Reseı memlekettik kıno-fotoqujattar muraǵatynan Sáken Seıfýllın túsken beınejazba tabyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

Memleket qaıratkeri beınelengen bul kadrlar 1935 jyly Qazaq avtonomııasynyń qurylǵanyna 15 jyl tolýyna oraı túsirilgen.

Taspany A. Baıtursynuly atyndaǵy til bilimi ınstıtýtynyń ǵylymı qyzmetkeri Ermuhamet Maralbek tapqan. 

«Instıtýttyń ahmettaný bóliminiń zertteý baǵyty boıynsha júrgizilip jatqan «Ahmet Baıtursynulynyń jazý reformasy: teorııasy men tájirıbesi» grant jobasy aıasynda Maskeýdegi memlekettik arhıvke úsh ǵalym barǵan bolatynbyz. Reseı memlekettik kıno-fotoqujattar muraǵatynda boldyq. Sol arhıvtiń qujattar katalogymen tolyq tanysyp, ózimizge qajettilerin qaraǵanda Sáken Seıfýllın beınejazbasy kezdeısoq qolymyzǵa tústi», - dedi E. Maralbek QAZAQSTAN arnasyna bergen suhbatynda.

Sáken Seıfýllınmen birge, Oraz Jandosov, Álibı Jangeldın, Oraz Isaev syndy tulǵalardyń vıdeosyn elge alyp kelgen jas ǵalymdardyń qorjynynda kóptegen olja bar.

Onyń bárin ınstıtýt aldaǵy ýaqytta jarııalaıdy.