Sáken Seıfýllınniń 125 jyldyǵyna 10 myń lıtr qymyz daıyndalady

NUR-SULTAN. QazAqparat - Qaraǵandy oblysynda bir ýaqytta eki mereıtoılyq oqıǵa atap ótilmek: Jańaarqa aýdanynyń 90 jyldyǵy jáne qazaqtyń aıtýly aqyny jáne jazýshy Sáken Seıfýllınniń 125 jyldyǵy, dep habarlaıdy oblystyq ákimdiktiń baspasóz qyzmeti.

Mereke 14 qyrkúıekte ótedi. Saltanatty sharalardy Sáken Seıfýllınge arnalǵan eskertkishtiń eteginde teatrlandyrylǵan kórinis ashady. Mereke Atasý kentinen úsh shaqyrym qashyqtyqta, Qaraýyl tóbe degen jerde jalǵasady. Baǵdarlamada ártisterdiń óner kórsetýleri, ulttyq oıyndar men jarystar, qazaqstandyq jáne sheteldik estrada juldyzdarynyń qatysýymen gala-kontsert qarastyrylǵan. Mereke sońynda otshashý atylady.

Jańaarqalyqtar mereke erekshe este saqtalyp qalýy úshin Gınnestiń rekordtar kitabyna ený týraly sheshim qabydaǵan. Aýdanda halyq sheberleri on myń lıtr qymyz daıyndamaq. Erler men áıelder ulttyq kostıýmderde «Jańaarka valsin» oryndaıdy jáne bir mezgilde 1000 bóshkede 10 myń lıtr qymyz aralastyrady. Aspazdyq jetistikti tirkeý úshin Ulybrıtanııadan sarapshylar keledi.

Sondaı-aq, «Baýyrsaq» jáne «Palaý» festıvalderi barysynda tegin dámnen aýyz tııýge bolady.

Osy kúni Sáken Seıfýllınniń «Jyr Suńqary» atty mánerlep oqý baıqaýynyń jeńimpazdary marapattalady.