Sáken Sársenov QR Aqparat jáne kommýnıkatsııalar mınıstriniń orynbasary bolyp taǵaıyndaldy
Sársenov Sáken Seıtjapparuly 1977 jyly 2 aqpanda dúnıege kelgen.
2000 jyly Máskeý memlekettik avıatsııa ınstıtýtyn «Aqparatty óńdeý men basqarýdyń avtomattandyrylǵan júıeleri» mamandyǵy boıynsha bitirgen.
Ekinshi joǵarǵy bilimin «Quqyqtaný» mamandyǵy boıynsha Eýrazııalyq gýmanıtarlyq ınstıtýtynda aldy.
Mansaby:
2000 jyly Qazaqstan Respýblıkasy Kólik jáne kommýnıkatsılar mınıstrliginiń Kóliktik baqylaý komıtetiniń jetekshi mamany retinde memlekettik qyzmetke turdy. Qazaqstan Respýblıkasy radıojelilik spektrin qoldanýdy baqylaý máselelerimen aınalysty.
2000 jyldyń qarasha aıy men 2003 jyldyń qazan aıy aralyǵynda Qazaqstan Respýblıkasy Qarjy mınıstrliginiń «Qarjy júıelerin aqparattandyrý ortalyǵy» RMK aqparatty qorǵaýdy uıymdastyrý bóliminiń meńgerýshisi bolyp istedi. Mınıstrliktiń aqparattyq júıeleri men resýrstaryn Qazaqstan Respýblıkasynda tuńǵysh ret engizilgen adaptıvtik qaýipsizdik tehnologııasyn qoldanýmen qorǵaýdy uıymdastyrý máselelerine jetekshilik etti.
2003 jyly «Ulttyq aqparattyq tehnologııalar» AQ Basqarma tóraǵasynyń orynbasary bolyp taǵaıyndaldy, munda ulttyq aqparattyq ınfraqurylym men «elektrondyq úkimettiń» ınfraqurylymyn damytý boıynsha memlekettik baǵdarlamalar aıasynda jobalardy iske asyrý men mekemearalyq aqparattyq júıelerdi súıemeldeý máselelerimen aınalysty. Sol kezeńde «Jeke tulǵalar», «Zańdy tulǵalar» memlekettik derekter bazalary, elektrondyq úkimet portaly, jyljymaıtyn múlik regıstri, elektrondyq qujataınalymynyń biryńǵaı júıesi iske qosyldy.
2008 jyldyń sáýir aıy men 2009 jyldyń qazan aıy aralyǵynda «Qazaqtelekom» AQ-nyń elektrondyq qyzmetter jónindegi basqarýshy dırektory bolyp jumys istedi. Bıznes-jobalardy damytý men Qaznette jańa ınteraktıvtik jáne tranzaktsııalyq qyzmetterdi jasaý boıynsha jetekshilik etýmen qatar QR-da elektrondy oqytý jobalaryn iske asyrý men uıaly WiMAX tehnologııasynyń negizinde jeli qurý máselerimen aınalysty. Telekomnan ınfokomǵa kóshý tujyrymdamasyn ázirledi
2009 jyldyń qyrkúıeginen bastap 2010 jyldyń 30 naýryzyna deıin - Qazaqstan Respýblıkasy Bas Prokýratýrasynyń Quqyqtyq statıstıka jáne arnaıy esepke alý jónindegi komıtet tóraǵasynyń orynbasary. Qylmystyq isterdiń elektrondy tirkeý júıesin (elektrondyq ÓEQ) ázirlep engizdi.
2010 jyldyń naýryz aıy men 2012 jyldyń qańtar aıy aralyǵynda - Qazaqstan Respýblıkasynyń baılanys jáne aqparat mınıstrliginiń vıtse-mınıstri. Dál osy kezeńde, 3G qyzmetteri, tsıfrlyq spýtnıktik jáne efırlik teledıdar iske qosyldy, sondaı-aq, 2011 jyldyń 11 naýryzynda osy mekemege tapsyrylǵan halyqqa qyzmet kórsetý ortalyqtary (HQKO) jańǵyrtylyp avtomattandyryldy.
2012 jyly 1 aqpanda Qazaqstan Respýblıkasynyń kólik jáne kommýnıkatsııa mınıstrliginiń vıtse-mınıstri bolyp taǵaıyndaldy (№180 01 aqpan 2012 jylǵy Qazaqstan Respýblıkasy Úkimetiniń qaýlysy). Bul laýazymda baılanys qyzmetteriniń tarıfterin tómendetý men memlekettik qyzmetterdi avtomattandyrý jumystaryn jalǵastyryp, 4G-diń iske qosylýyn, MNP jobasynyń bastalýyn jáne de avtomobıl ıelerine arnalǵan arnaıy HQKO-larynyń ashylýyn baqylady.
2014 jyldyń sáýir aıynda Qazaqstan Respýblıkasynyń Baılanys jáne aqparat agenttigi tóraǵasynyń birinshi orynbasary bolyp taǵaıyndaldy. HQKO, elektrondyq úkimet, IT jáne telekommýnıkatsııa salalaryn damytýmen aınalysty.
2014 jyldyń 18 tamyzy men 2016 jyldyń 21 mamyr aıynyń aralyǵynda - Baılanys, aqparattandyrý jáne aqparat komıtetiniń tóraǵasy, QR Investıtsııa jáne damý mınıstrliginiń vıtse-mınıstri.
2016 jyldyń 21 mamyrynan bastap - QR Aqparat jáne kommýnıkatsııa vıtse-mınıstri. HQKO, elektrondyq úkimet, aqparattandyrý jáne baılanys salalaryn damytý boıynsha jumysyn jalǵastyrýda.