Sáken Musaıbekov QR Mádenıet jáne sport vıtse-mınıstri bolyp taǵaıyndaldy

ASTANA. QazAqparat - Sáken Júnisbekuly Musaıbekov Qazaqstan Respýblıkasynyń Mádenıet jáne sport vıtse-mınıstri bolyp taǵaıyndaldy. Bul aqparatty vedomstvonyń baspasóz qyzmetinde rastady.

Sáken Júnisbekuly Musaıbekov 1967 jyly Soltústik Qazaqstan oblysynda dúnıege kelgen. V.I. Lenın atyndaǵy Qazaq polıtehnıkalyq ınstıtýtyn, Qazaq memlekettik basqarý akademııasyn támamdaǵan.

Ár jyldary QR Parlamenti Májilisi tóraǵasynyń kómekshisi, QR memlekettik kiris mınıstriniń keńesshisi, QR Qarjy mınıstrligi ákimshilik departamentiniń dırektory, QR Kólik jáne kommýnıkatsııa mınıstrligi Avtomobıl joldary komıtetiniń «Qazaqavtojol» RMK bas dırektorynyń orynbasary, QR Qarjy mınıstrligi apparatynyń basshysy, QR Kólik jáne kommýnıkatsııa vıtse-mınıstri qyzmetterin atqarǵan.

2005 jyldan bastap - QR Qarjy mınıstrligi apparatynyń basshysy.

2006 jyldan bastap - QR Úkimet basshysynyń shtattan tys keńesshisi.

2008 jyldyń naýryz aıynan bastap - «Qazyna» turaqty damý qory» AQ-nyń basqarýshy dırektory.

2008 jyldyń qarasha aıynan bastap - «Samuryq-Qazyna» Ulttyq ál-aýqat qory» AQ apparatynyń basshysy.

2012 jyldan beri - «Sporttyq jekpe-jek jáne kúsh qoldanylatyn sport túrleri konfederatsııasy» qaýymdastyq formasyndaǵy zańdy tulǵalar birlestiginiń bas dırektory bolyp jumys istegen.

Musaıbekov Sáken Júnisbekuly Mádenıet jáne sport vıtse-mınıstri qyzmetin atqaryp kelgen Tastanbek Esentaevtyń basqa jumysqa aýysýyna baılanysty taǵaıyndaldy.