Saken Bıbosynov qarsylasyn nokdaýnǵa túsirip, halyqaralyq týrnırdiń fınalyna shyqty
16:08, 01 Shilde 2023
ASTANA. QazAqparat – Astanada bokstan halyqaralyq «Elorda kýbogi» týrnıriniń jartylaı fınal jekpe-jekteri bastaldy, dep habarlaıdy QazAqparat Sports.kz-ke silteme jasap.
51 kelige deıingi salmaq dárejesinde 2020 jylǵy Olımpıada oıyndarynyń qola júldegeri, 2021 jylǵy álem chempıony qazaqstandyq Sáken Bıbosynov pen 2021 jylǵy álem chempıonatynyń qola júlde ıegeri taılandyq Tanarat Saengfet fınalǵa shyǵý úshin aıqasty. Tóreshilerdiń biraýyz sheshimimen (5:0) Bıbosynov jeńiske jetti. Sonymen qatar, ekinshi raýndta tóreshi taı boksshysynyń nokdaýnǵa túskenin tirkedi.