Sáken Bıbosynov bokstan álem chempıonatynda jeńilip qaldy

TAShKENT. QazAqparat - Tashkent qalasynda erler arasynda ótip jatqan bokstan álem chempıonatynda búgin Sáken Bıbosynov bastapqy jekpe-jegin ótkizdi, dep habarlaıdy QazAqparat tilshisi.

Tokıo olımpıadasynyń qola júldegeri, álem chempıony Sáken Bıbosynov 51 kelige deıingi salmaqta úndistandyq Dıpak Kýmarmen sheberlik baıqasty.

Bul kezdesý Sákenge ońaıǵa túsken joq.

Alǵashqy eki raýndta Sáken Bıbosynov basymdyq kórsetkenimen, tóreshiler jeńisti úndistandyq boksshyǵa berip jiberdi.

Eske sala keteıik, budan buryn Dýlat Bekbaýovtyń kelesi kezeńge ótkenin jazǵan bolatynbyz.

Sondaı-aq Ózbekstan quramasyndaǵy qazaq jigiti jeńiske jetti.

Ulttyq qurama kapıtany Aslanbek Shymbergenov 1/8 fınalǵa ótti.