Sáken Bıbosynov Azııa oıyndarynda alǵashqy jeńisine qol jetkizdi

<p>Qytaıdyń Hanchjoý qalasynda ótip jatqan Azııa oıyndarynda bokstan Tokıo olımpıadasynyń qola júldegeri, álem chempıony Sáken Bıbosynov alǵashqy jekpe-jegin ótkizdi, dep habarlaıdy QazAqparat tilshisi.</p>

Qazaqstannyń basty úmitteriniń birinen sanalatyn S.Bıbosynov 51 kelige deıingi salmaqta 1/16 fınalda mońǵolııalyq Orhontýngalag Ýnýboldpen judyryqtasty.

Birinshi raýndta tóreshiler túgeldeı basymdyqty Sákenge berdi. Ekinshi, úshinshi kezeńde de eshteńe ózgere qoıǵan joq. Esep – 5:0, Sáken Bıbosynovtyń paıdasynda.

Osylaısha, qazaqstandyq boksshy kelesi aınalymǵa ótti.

Sáken Bıbosynovtyń kelesi qarsylasy - olımpıada chempıony, ózbekstandyq Hasanboı Dýsmatov.

Taǵy bir qazaqstandyq Natalıa Bogdanova 66 kelige deıingi salmaqta Saýd Arabııasynyń ókili Ragad Ibragım Al-Naımıdi birinshi raýndta-aq úsh ret nokdaýnǵa jiberip, nokaýtpen utty. Sóıtip ol shırek fınalǵa joldama aldy.

Eske sala keteıik, budan buryn Azııa oıyndarynda qazaqstandyq boksshylardyń qashan rıngke shyǵatyny belgili bolǵanyn jazǵan edik.

Sondaı-aq qazaqstandyq boksshy Azııa oıyndaryn jeńispen bastady.