«Saqaldy» qurylystar bıýdjetti tespeı soryp jatyr – Májilis depýtaty
«Qurylystyń normatıvtik merzimi saqtalmaıdy. 2022 jyly merdigerlerdiń sharttyq mindettemelerdi oryndamaýy saldarynan 18,1 mlrd teńge ıgerilmeı qaldy. Mysaly, Qaraǵandy qalasynda quny 6,1 mlrd teńge dep eseptelgen 200 oryndyq oblystyq kópbeıindi balalar aýrýhanasynyń qurylysy 2013 jyly bastalǵan. Merdigerge qoıylǵan talaptarǵa baılanysty jumys 4 jylǵa keshikti. Saldarynan jumys quny 2 eseden astam ósip, 12,5 mlrd teńgege jetti», - degen Ulasbek Sádibekov elordadaǵy jylý elektr ortalyǵynyń problemasyna da toqtaldy.
«Al Astana qalasyndaǵy sapasyz josparlanǵan №3 jylý elektr ortalyǵynyń qurylysy 65 aıda bitýi kerek bolatyn. Qurylysy 2010 jyly bastalǵan obekt bıylǵy 1 qańtardaǵy jaǵdaı boıynsha áli aıaqtalmaı otyr. Sóıtip, jobanyń quny 86,8 mlrd teńgeden 122 mlrd teńgege deıin ulǵaıdy. Respýblıkalyq bıýdjet baǵdarlamalarynyń ákimshileri bıýdjet qarajatynyń tek ıgerilýin ǵana baqylaý praktıkasynan alshaqtap, jergilikti atqarýshy organdardyń jobalardy iske asyrýyn baqylaý men monıtorıngteýdi kúsheıtýge basa nazar aýdarýy qajet», - dedi depýtat.