Saqal-murty «ósken» Meırambek Besbaev halyqqa prank jasady
Ánshi ónerdegi úzeńgilesterimen birlesip, qala kóshelerinde turǵyndarǵa prank uıymdastyrdy. Ol jasandy saqal-murt taǵyp, kózildirik pen beısbolka kıip, el tanymaıtyn obrazda kóshege shyqty.
Solaı, dalada dombyramen halyq aldynda óner kórsetip otyrǵan er adamǵa taıanyp, aspabynda oınaýǵa ruqsat surady. Jınalyp turǵan jurt belgisiz er adamǵa dombyrany berýdi qoshtaı ketip, qolynan keler ónerdi taǵatsyzdana kútip turdy.
M.Besbaev dombyrany qolyna az-maz ustap otyryp, kúmbirlete kúı tarta jónelgende qaýmalap turǵan jurt dý ete qaldy. Arqalanyp, odan ári oınaı túsýin surady.
Birneshe kompozıtsııa oryndaǵan ártis ınkognıto obrazynan shyǵyp, jasandy saqal-murtyn, bas kıimin sheshti. Ánshiniń bul prankyn halyq jyly qabyldap, shapalaq soǵyp, onymen sýretke túsýge asyqty.
Al Meırambek Bespaev qazaqstandyqtardy Dombyra kúnine arnalǵan sharanyń kórermeni bolýǵa shaqyrdy.
«Qymbatty dostar, barlyqtaryńyzdy kórýge qýanyshtymyn! 2 shilde kúni Abaı alańynda, ıaǵnı Respýblıka saraıynyń aldynda ótetin Dombyra kúnine barshańyzdy shaqyramyn. Kelińizder!», - dedi ol mıkrofondy alyp.