Saq mádenıetin tereńinen zertteýge tıispiz - M.Tájın

ASTANA. 5 maýsym. QazAqparat - Saq mádenıetin tereńinen zertteýge tıispiz. Bul týraly búgin elordadaǵy L.Gýmılev atyndaǵy Eýrazııa ulttyq ýnıversıtetinde ótip jatqan Qazaqstan Respýblıkasynyń ulttyq tarıhyn zertteý jónindegi vedomstvoaralyq jumys tobynyń keńeıtilgen otyrysynda QR Memlekettik hatshysy Marat Tájın málim etti.

«Biz saq mádenıetin, ásirese, massagetterdi (Aral boıyn mekendegen), tıgrahaýda-saqtaryn (Jetisý jerinde) jáne arımpastardy (Shyǵys Qazaqstan men Altaıda) tereńinen zertteýge tıispiz. Bul arada klassıkalyq kezeńdegi eýropalyq avtorlardy oqyp, paıymdap qana qoıý jetkiliksiz», - dedi M.Tájın.

Memlekettik hatshy óz sózinde Qańly men Ǵun dáýiriniń tarıhı faktileri men mádenı artefaktileri (qolmuralary) derbes qarastyrýdy jáne paıymdaýdy qajet etetindigin basa aıtty.

«Ejelgi túrki memleketi, Túrgesh jáne Qarluq qaǵanattary da bólekshe nazarymyzda bolýǵa tıis, óıtkeni bizdiń arqaýlyq etnomádenı jáne órkenıettik sáıkestigimiz - túrkiligimizdiń tamyry dál solarǵa baryp tireledi. Elimizdiń aýmaǵyndaǵy barlyq ejelgi memleketter men qoǵamdastyqtar egjeı-tegjeıli zerttelýge tıis, sebebi olar bizdiń etnosymyzdyń qaǵazǵa túsken, derek qalǵan tarıhynyń mańyzdy býyny bolyp tabylady», - dedi ol.