Saıda Mırzıeeva: Aral Culture Summit — jaqsy bolashaq qurý úshin jańa narratıv

<p>ASTANA. KAZINFORM &mdash; Sarapshylar pikirinshe, Aral teńizin tolyq qalpyna keltirý múmkin emes. Eń mańyzdy mindet &mdash; ótkir ekologııalyq daǵdarystyń joıqyn áserin azaıtý. Ortalyq Azııa elderiniń basshylyǵy óz múmkindikterine qaraı Aral men Aral óńirin qutqarýǵa úles qosýǵa tyrysady. Ótken jyly Saıda Mırzıeeva BUU trıbýnasynan Ózbekstan bastamalarynyń birin aıtqan bolatyn.</p>

Dúnıejúzilik meteorologııalyq uıym Araldyń kebýin HH ǵasyrdaǵy eń iri antropogendik ekologııalyq daǵdarystardyń biri dep ataıdy. Teńizdiń joıylýy Aral aımaǵynyń florasyna, faýnasyna, landshaftyna jáne klımatyna júıeli teris áser etti.

2023 jyldyń naýryz aıynda BUU shtab-páterinde sý konferentsııasy ótti, onda halyqaralyq qaýymdastyq 45 jyldyq úzilisten keıin alǵash ret jınaldy. Ózbekstan delegatsııasynan Saıda Mırzıeeva BUU trıbýnasyna kóterildi.

— Aral daǵdarysy — adamnyń qorshaǵan ortaǵa nemquraıly qaraýynyń saldary týraly qorqynyshty eskertý. Degenmen, beı-jaı qaramaıtyn adamdardyń kúsh-jigeriniń arqasynda teńiz taǵy da úmit pen jańarý sımvolyna aınalyp otyr, — dedi ol.

Saıda Mırzoeva Aral teńiziniń ekologııalyq apatyna qarsy kúreste mádenıet pen shyǵarmashylyqtyń mańyzdylyǵyn atap ótti. Ol Ózbekstannyń Art Culture Summit mádenıet jáne ónerdi damytý qorynyń iri bilim berý jáne mádenı baǵdarlamalardy qamtıtyn jobasyn usyndy.

«Osy aımaq turǵyndaryn qoldaý úshin biz ártúrli sala mamandaryn ǵana emes, sýretshiler men dızaınerlerdiń shyǵarmashylyq kúshterin de ınvestıtsııaladyq. Olardyń birlesken kúsh-jigeriniń arqasynda biz qazirdiń ózinde habardarlyqty arttyrýǵa, jańa oqıǵalardy jasaýǵa jáne kórinbeıtin máselelerge jurtshylyq nazaryn aýdarýǵa kiristik. Biz kemel keleshek qurýdyń jańa tarıhyn — Aral mádenıeti sammıtin jasap jatyrmyz», — dedi Saıda Mırzıeeva.

Sammıttiń qyzmeti Aral óńirindegi bıomádenı, mádenı jáne tildik ártúrlilikti saqtaýǵa baǵyttalǵan.

Esterińizge sala keteıik, Saıda Mırzıeeva 5 tamyzda Astanadaǵy Prezıdenttik mádenıet ortalyǵynda ótetin «Zakovat» ıntellekt-shoýy týraly jarııalady.