Saha Respýblıkasynyń úsh eldi mekeninde -57 gradýs aıaz

ıAKÝTSK. TASS - QazAqparat – Dúısenbi kúni tańerteń Saha Respýblıkasynyń 20-dan astam pýnktinde -50 jáne odan tómen temperatýra tirkeldi. Bul týraly atalmysh memlekettiń Qorshaǵan ortanyń gıdrometeorologııa jáne monıtorıng basqarmasynan málim etti, dep habarlaıdy QazAqparat TASS agenttigine silteme jasap.

Máskeý ýaqytymen túngi 12-de Habardıno, Verhnevılıýısk jáne Berdıgestıah pýnktilerinde -57 gradýs boldy. Pokrovsk, Olenka jáne Sýntar eldi mekenderinde termometr -56 gradýs, Tommot pen Nıýrbada -55 gradýs, Dorojnyı, Amga, Eıık jáne Vılıýıskte -54 gradýs kórsetti. ıAkýtskte aýa temperatýrasy – mınýs 50 gradýs.

Aıazǵa baılanysty Saha mektepteri 16-18 qańtar aralyǵynda qashyqtan oqýǵa aýystyryldy. 15 qańtarda Bilim jáne ǵylym mınıstri Irına Lıýbımova aýa temperatýrasy -65 gradýsqa deıin tómendeýi múmkin ekenin eskertip, osyndaı buıryqqa qol qoıǵan bolatyn.

Foto: yakutia.kp.ru