Saǵyntaev jeńil aqshany kózdeıtin sheteldik kompanııalarǵa eskertý jasady
"Biz aýyl sharýashylyǵy salasyndaǵy sheteldik texnıkanyń qaısysy jaqsy ekenin kópten beri talqylap kelemiz. «John Deer» ma, «Claas» pa, biraq, ózińiz kórip otyrsyzdar, 20 jyl boıy kelissózderdi júrgizip jatyrmyz. Alaıda, bireýi de Qazaqstanǵa kelip, óz óndirisin ashpaıdy. "Iá, senderge zaýyt salyp beremiz, texnıkany qurastyramyz, shyǵaramyz!" dep jalaýlatady. Biraq áli kúnge deıin naqty nátıje joq. Biz barlyq jaǵdaılardy jasap berdik. Degenmen, «John Deer» da, «Claas» ta kelmeı otyr. Sebebi olarǵa osy jerde óndiris ashqansha, daıyn ónimdi satyp, aqshany ala salǵan tıimdi. Jeńil paıdany kózdeıdi", - dedi B.Saǵyntaev.
Úkimet basshysynyń aıtýynsha, endigi kezekte syrttan texnıka ákelýge tyıym salynbasa da, aýyl sharýashylyǵy salasyndaǵy otandyq óndiristi damytýǵa kúsh salynady. "Búginde biz mashına jasaý ónerkásibin qolǵa aldyq. Traktorlar men kombaındardy qurastyra bastadyq. Endi, ony ary qaraı damytý qajet qoı. Biz osy salany qoldaýǵa daıynbyz", - dep atap kórsetti Premer-Mınıstr.
Aıta keteıik, búgingi otyrysta Úkimet basshysynyń orynbasary-Aýyl sharýashylyǵy mınıstri Asqar Myrzaxmetov Agroónerkásip keshenin damytýdyń 2017-2021 jyldarǵa arnalǵan baǵdarlamasyn tanystyrdy. Onyń aıtýynsha, jańa baǵdarlama aıasynda aýyl xalqy mıllıardtap tabys tabatyn bolady.
Sondaı-aq QazAqparat tilshisine suxbat bergen A.Myrzahmetov, "Qazaqstanǵa ımporttalatyn et tekserilmeıdi" degen Esep komıtetiniń qorytyndysyna jaýap berdi.
Al Densaýlyq saqtaý jáne áleýmettik damý mınıstri Tamara Dúısenova kásipkerlikti jappaı damytýdyń jańa baǵdarlamasy týraly aıtyp berdi.