Saǵyntaev: Jańa mınıstrlik qysqa merzim ishinde qalyptasýy kerek
«Bul mınıstrlikti qurý - zaman talaby. Prezıdent jańa mınıstrlikti qalyptastyrýda Atamqulovqa senim bildirdi. Qysqa merzim ishinde barlyq uıymdastyrýshylyq məselelerdi sheship, Memleket basshysynyń tapsyrmalaryn oryndaýǵa kirisý kerek», - dedi B.Saǵyntaev.
Aıta keteıik, mınıstrlik qyzmetiniń negizgi baǵyttary qorǵanys, aeroǵarysh ónerkásibi jáne elektrondyq ónerkásip, aqparattandyrý jáne baılanys salasyndaǵy aqparattyq qaýipsizdik, jumyldyrý daıarlyǵy jáne jumyldyrý salasyndaǵy memlekettik saıasatty iske asyrý, memlekettik materıaldyq rezervti qalyptastyrý jáne damytý, biryńǵaı áskerı-tehnıkalyq saıasatty jáne áskerı-tehnıkalyq yntymaqtastyqty júrgizýge qatysý, qorǵanystyq tapsyrysty qalyptastyrý, ornalastyrý jáne oryndaý salasyndaǵy basshylyq bolmaq.
Budan ózge, jańadan qurylǵan mınıstrlikke Qorǵanys mınıstrliginen - qorǵanys ónerkásibi salasyndaǵy, Investıtsııalar jáne damý mınıstrliginen - ǵarysh qyzmeti salasyndaǵy, Ulttyq ekonomıka mınıstrliginen - jumyldyrý daıarlyǵy jáne jumyldyrý, memlekettik materıaldyq rezervti qalyptastyrý jáne damytý salasyndaǵy, Premer-Mınıstrdiń Keńsesinen - aqparattyq qaýipsizdikti qamtamasyz etý jáne Qazaqstan Respýblıkasynyń Aqparat jáne kommýnıkatsııalar mınıstrliginen aqparattandyrý jáne baılanys salasyndaǵy aqparattyq qaýipsizdikti qamtamasyz etý salasyndaǵy fýnktsııalar men ókilettikter berildi.