Saǵyntaev saýda ortalyqtarynyń ókilderimen kezdesti

ALMATY. QazAqparat - Almaty ákimi Baqytjan Saǵyntaev qalanyń saýda ortalyqtary men bazar ókilderimen qatańdatylǵan karantın sharalary jóninde kezdesý ótkizdi, dep habarlaıdy QazAqparat tilshisi.

Onlaın formatta ótken kezdesýge «Atameken» UKP-nyń ókilderi, qalanyń memlekettik bas sanıtarlyq dárigeri Jandarbek Bekshın qatysty.

Jıyn barysynda qala ákimi Baqytjan Saǵyntaev 10 naýryzdan bastap kúrdelene túsken epıdemıologııalyq ahýaldy túsindirdi. Almatyda epıdemııa bastalǵaly beri koronavırýs ınfektsııasynyń 33 012 jaǵdaıy tirkeldi. Sońǵy 7 kúnde aýrýǵa shaldyǵý koeffıtsıenti 146,2 qurady, reprodýktıvti sany R - 1,082.

Qazirgi kezde ınfektsııanyń taralý qarqyny óte joǵary, bul mýtatsııalanǵan KVI shtamdarynyń tez juǵatynyn kórsetýde. Megapolıs ákimi engizilgen shekteý sharalarynyń ınfektsııalar tizbegin úzýge jáne adamdar kóp jınalatyn jerlerde vırýstyń taralýyn boldyrmaýǵa baǵyttalǵanyn atap ótti.

sanıtarlyq-epıdemıologııalyq baqylaý departamentiniń derekteri boıynsha, azamattar aýrýdy óz otbasylarynda juqtyrdy eken, mundaǵy naýqastar 28,6%-dan 34,2% -ǵa deıin ósti. Saýda nysandarynda juqtyrǵan adamdardyń úlesi 23,7%-dan 20,5%-ǵa deıin tómendegen, demalys kúnderi saýda-oıyn-saýyq ortalyqtary men saýda úıleriniń, bazarlardyń qyzmetin toqtatý oń nátıjesin berýde. Degenmen, bul kórsetkish qala turǵyndarynyń úı janyndaǵy dúkender men azyq-túlik jelilerine barýyna qatysty joǵary kúıinde qala beredi.

Kezdesýge qatysýshylar shekteý sharalary kezinde jumyssyz qalǵan bazar qyzmetkerleriniń sany týraly aqparatpen bólisti. Saýda ortalyqtary men saýda úıleriniń ókilderi qoldaý sharalaryna jáne qatań karantındik sharalar sharttaryn qoldana otyryp, jumysty qaıta jandandyrýǵa qatysty suraqtar qoıdy.