Saǵyntaev pen Túrkesh Qazaqstannyń týrıstik ınfraqurylymyn damytý máselelerin talqylady

ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev Túrkııa Premer-Mınıstriniń orynbasary Tuǵryl Túrkeshpen kezdesti, dep habarlaıdy primeminister.kz .

Taraptar kezdesý barysynda eki eldiń saýda-ekonomıkalyq jáne ınvestıtsııalyq salalardaǵy yntymaqtastyǵyn odan ári damytý máselelerin talqylady. Sondaı-aq, Qazaqstanda Túrkııamen birlesken ındýstrııalyq aımaqtardy qurýdy jalǵastyrý, qazaqstandyq astyqty Túrkııaǵa jetkizý kólemin ulǵaıtý, tranzıttik kólik dálizderin keńeıtý men jetildirý, sonymen qatar, túrik ınvestorlarynyń Qazaqstannyń týrıstik ınfraqurylymyn damytýǵa qatysýy jónindegi máseleler qaraldy.  

Budan ózge, kezdesý barysynda 2015 jyly Memleket basshysy N. Nazarbaev pen Túrkııa Prezıdenti R. Erdoǵan qol qoıǵan «Jańa sınergııa» birlesken ekonomıkalyq baǵdarlamasyn iske asyrý barysy qaraldy.

Kezdesýdiń sońynda bıyl tamyz aıynda ótkiziletin Qazaqstan-Túrkııa Úkimetaralyq ekonomıkalyq komıssııasynyń 10-otyrysyn ótkizý máseleleri qaraldy.