Saǵyntaev «Nurly jer» baǵdarlamasyn iske asyrý jóninde keńes ótkizdi

ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev «Nurly jer»  turǵyn úı qurylysy baǵdarlamasyn iske asyrý máseleleri jóninde keńes ótkizdi, dep habarlandy primeminister.kz saıtynda.

Keńes barysynda «Nurly jer» turǵyn úı qurylysy baǵdarlamasyn iske asyrý tetikterin jetildirý jáne ıpotekalyq nesıelendirýge yntalandyrý sharalaryn keńeıtý máseleleri talqylandy. 

Aıta keteıik, «Nurly jer» baǵdarlamasy elimizde 2017 jyldyń 1 qańtarynan bastap iske asyrylýda.

2017 jyly «Nurly jer» baǵdarlamasy boıynsha barlyǵy 10,1 mln sharshy metr nemese 99 myńǵa jýyq turǵyn úıdi paıdalanýǵa berý kózdelgen. Onyń ishinde memlekettik ınvestıtsııalar esebinen - 22 545 páter nemese shamamen 1,5 mln sharshy metr.

Búginde «Nurly jer» baǵdarlamasynyń jyldyq jospary 87,1%-ǵa oryndalǵan (8,8 mln sharshy metr nemese 77 myń turǵyn úı paıdalanýǵa berilgen).

Osy jyldyń 10 aıynyń qorytyndysy boıynsha turǵyn úı qurylysy salasynda turaqty ósý qarqyny baıqalýda.

Barlyǵy respýblıka boıynsha 76 743 turǵyn úı, sonyń ishinde: 24 075 JTQ (3,7 mln sharshy metr) jáne KPTK-de 56 668 turǵyn úı (5,1 mln sharshy metr) paıdalanýǵa berilgen. 

Barlyq kózderden turǵyn úı qurylysyna 744,8 mlrd teńge ınvestıtsııa salynǵan, bul 2016 jyldyń osy kezeńimen salystyrǵanda 15,9% joǵary, onyń 120 mlrd teńgesi - memlekettik ınvestıtsııalar.