Saǵyntaev: Munaı sektorynda jumysshylardy qysqartpaý týraly memorandýmdardyń keıbiri oryndalmaı otyr
"Qazaqstanda munaı sektorynda, munaı-servıstik salada jumys oryndaryn qysqartpaý baǵytynda barlyǵy 19 myńnan astam memorandýmdar jasalǵan. Biz memorandýmdarǵa qol qoıǵanda, basshylyq aldynda biz qandaı keremet ekenimizdi kórsetip, «memorandýmdarǵa qol qoıdyq, bizde barlyǵy jaqsy» dep esep beremiz. Qazir biz óz materıaldarymyzdan kórip otyrmyz, keıbir memorandýmdardyń talaptary oryndalmaı otyr. Maqtan tutqan, keremet esepteriń qaıda qazir? Tamara Qasymqyzy (Dúısenova - QR Densaýlyq saqtaý jáne áleýmettik damý mınıstri), osyny kózderine aıtý qajet, kelesi joly mundaı "dańǵaza" memorandýmdar bolmaý úshin, qandaı mınıstrlikterde, qaı óńirlerde bul memorandýmdar atqarylmaı otyr, qaraý kerek. Biz bos sóz úshin memorandým jasap otyrǵanymyz joq. Eki tarap jumysshylar qysqarmaıdy dep kelisti. Eger bir másele shyqsa, ákimder men mınıstrlikter birlesip qarasyn", - dedi Úkimet basshysy.