Saǵyntaev múlik ıeleriniń birlestigi týraly: Ózgeriske umtylyp, úı basqarý isin qolǵa alý qajet
Qala ákimi Instagram -daǵy paraqshasynda PIK-ti qaıta qurý naýqany jalǵasyp jatqanyn jazdy. Búgingi kúni Almatyda 375 múlik ıeleriniń birlestigi men 391 jaı seriktestik quryldy.
«Negizgi artyqshylyǵy sol, turǵyndar ortaq múlikti kútip ustaý men ony saqtaýdaǵy barlyq qarjy-sharýashylyq qyzmetti ózderi basqarady. Turǵyndar basqarýshy jáne servıstik uıymdarmen, kommýnaldyq qyzmetterdi tańdap, kerek bolsa shartqa otyryp, olardyń jumys sapasyn tekserip, jumystyń oryndalǵan kólemi úshin ǵana aqy tóleıdi», – dep jazdy ákim.
PIK basqarýshy ári servıstik kompanııaǵa aınalady. Qaıta qurylý jumysy 2022 jyldyń 1 shildesine deıin aıaqtalýy tıis.
«PIK ondaǵan, tipti júzdegen úılerdi basqarady. Bul rette qarajat barlyq úıge bólinedi. PIK-te bir úıge tıesili bir shot bolady. Qaıta qurylý jumysy 2022 jyldyń 1 shildesine deıin aıaqtalýy tıis. PIK basqarýshy ári servıstik kompanııaǵa aınalady. Eń bastysy – ózgeriske umtylyp, úı basqarý isin qolǵa alý qajet», – dep atap ótti Baqytjan Saǵyntaev.