Saǵyntaev Qulja traktisindegi jolaıyryǵy qashan ashylatynyn aıtty

ALMATY. QazAqparat – Baqytjan Saǵyntaev «Almaty» telearnasyndaǵy tikleı efır barysynda Qulja traktisindegi jolaıyryǵy qoldanysqa qashan beriletini týraly aıtty, dep habarlaıdy QazAqparat tilshisi.

Onyń aıtýynsha, qurylys-montajdaý jumystary kestege saı júrgizilýde. Qazirgi kezde №1 estakada qurylysy jáne aınalma joldardy salý jumystary aıaqtaldy.

Osy aıdyń sońyna deıin qozǵalysty ýaqytsha syzba boıynsha ashý josparda. Estakada boıymen Qulja traktisi arqyly eki baǵytta kólik qozǵalysy uıymdastyrylady.

Budan basqa, shyǵysqa qaraı qozǵalys kezinde Buqtyrma kóshesinen Qulja traktisine túseberis jol boıynsha, sondaı-aq Qulja traktisi boıymen qozǵalys kezinde aınalma alańynsyz Buqtyrma kóshesine túseberis jol ashý kózdelgen.

Bul jolaıryǵy qurylysy aýdanynda kólik qozǵalysyn uıymdastyrýdy edáýir jaqsartady jáne osy ýchaskedegi kólik júktemesin azaıtady.

«Barlyq baǵyttaǵy qozǵalysty ashý 2022 jyldyń birinshi jartyjyldyǵyna josparlanǵan. Tórt jáne alty jolaqty zamanaýı jolaıryǵy shyǵys aınalma avtojolyn áýejaıǵa aparatyn jolmen baılanystyrady jáne ýchaske trassasynyń júgin jeńildetedi», - dedi Almaty ákimi.

Qulja traktisi boıyndaǵy estakadanyń uzyndyǵy 784 shaqyrym, Buqtyrma kóshesindegi týnnel 570 shaqyrym.

Abattandyrý kezinde jaqyn aýmaqtarǵa 750 aǵash otyrǵyzylatyn bolady.