Saǵyntaev Qostanaı oblysynyń ónerkəsiptik əleýetimen tanysady
Baqytjan Saǵyntaev óńirdiń ónerkəsiptik əleýeti men Jańǵyrtý 3.0 aıasynda qabyldanyp jatqan sharalardy baǵalaıdy, KTBB tegin oqytý baǵdarlamasyn iske asyrý barysy men MJƏ tetikterin qoldaný týraly baıandamany tyńdaıdy, sondaı-aq, «Nurly jer» memlekettik baǵdarlamasy boıynsha turǵyn úı salý jumystaryn tekseredi.
QR Premer-Mınıstri jumys saparynyń kestesindegi negizgi shara oblys jurtshylyǵymen kezdesý bolady, onda óńirdi damytýdyń ózekti máselelerin talqylaý josparlanǵan. Kəsipkerler qaýymymen kezdesý barysynda shaǵyn jáne orta bıznesti damytý keleshegi, memlekettik qoldaý kórsetý tetikteri qaralatyn bolady. Baqytjan Saǵyntaev jastarmen Úkimettiń qazaqstandyq jastardyń jeke bəsekege qabilettiligin arttyrý maqsatymen sapaly bilim alýy úshin jasap jatqan múmkindikterin talqylaıdy.
QR Premer-Mınıstriniń jumys saparyndaǵy alǵashqy nysan «Qostanaı» halyqaralyq áýejaıy boldy. Munda B. Saǵyntaevqa qaýipsizdikti qamtamasyz etý júıesi men áýe aılaǵyn qaıta jóndeý jobasyn iske asyrý barysy týraly esep berildi.
Jańǵyrtý nátıjesi retinde jolaýshylar aǵyny eki esege, saǵatyna 400 adamǵa deıin ulǵaıtylady. IKAO halyqaralyq azamattyq avıatsııa uıymy sertıfıkattaý jumystaryn júrgizgen soń, áýejaıdyń barlyq ushaqtardy túrine, ushý-qoný massasyna, reıs jıiligine qaramastan, eshqandaı shekteýsiz qabyldaý múmkindigin rastaýy úlken mańyzǵa ıe.
Buǵan deıin QR Premer-Mınıstri Baqytjan Saǵyntaev Astana halyqaralyq áýejaıynyń jańa jolaýshylar termınalynyń qurylysymen tanysyp, Semeı áýejaıyn qaıta jóndeý jumystarynyń barysyn baǵalap, sondaı-aq Oral men Taldyqorǵan áýejaılarynyń jumysyn teksergen bolatyn.
Eske sala keteıik, QR Premer-Mınıstri Baqytjan Saǵyntaev Qazaqstan óńirlerine jumys saparyn jalǵastyrýda. Osyǵan deıin ol Shyǵys Qazaqstan, Batys Qazaqstan, Aqtóbe jáne Almaty oblystarynda jumys saparymen boldy.