Saǵyntaev Qazaqstan Jazýshylar odaǵynyń ókilderimen kezdesti

ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev odaqtyń tóraǵasy Ulyqbek Esdáýlet bastaǵan «Qazaqstan jazýshylar odaǵy» respýblıkalyq qoǵamdyq birlestiginiń ókilderimen kezdesý ótkizdi. Bul týraly primeminister.kz habarlaıdy.

Kezdesý barysynda Qazaqstannyń Jazýshylar odaǵynyń jańa shyǵarmashylyq jobalary men qazirgi máseleleri talqylandy.

Qazaqstannyń jazýshylar odaǵy - elimizdiń ádebıetshi qaýymyn biriktiretin respýblıkalyq qoǵamdyq birlestik formasyndaǵy shyǵarmashylyq uıym.

Jazýshylar odaǵynyń qurylymynda qazaq, orys, uıǵyr (1932 jyldan bastap), nemis jáne káris (1977 jyldan bastap) ádebıeti boıynsha shyǵarmashylyq sektsııalar bar.

Óńirlik qurylymynda - Astana, Qaraǵandy, Semeı, Oral, Shymkentte 5 oblysaralyq bólimsheleri bar.