Saǵyntaev Innovatsııalyq tehnologııalar parkin damytý máselelerine qatysty otyrys ótkizdi
18:06, 08 Jeltoqsan 2017
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen «Innovatsııalyq tehnologııalar parki» derbes klasterlik qorynyń basqarý komıtetiniń otyrysy ótti, dep habarlaıdy primeminister.kz .
Otyrys barysynda «Innovatsııalyq tehnologııalar parki» DKQ damytýdyń strategııalyq máseleleri, sondaı-aq Qazaqstan ekonomıkasynyń negizgi jáne jańa salalaryna ınvestıtsııalar tartý sharalary talqylandy.
Esterińizge sala keteıik, «Innovatsııalyq tehnologııalar parki» DKQ-ny QR Úkimeti 2015 jyldyń 10 sáýirinde qurdy. «Innovatsııalyq tehnologııalar parki» IK Qamqorshylyq keńesiniń tóraǵasy - QR Prezıdenti. Basqarý komıtetin QR Premer-Mınıstri basqarady.
«ITP» DKQ-nyń strategııalyq mindetteri transulttyq kompanııalarmen birlesip tehnologııalyq damý ortalyqtaryn qurýdan turady. 2017 jyldyń basyndaǵy jaǵdaı boıynsha «ITP» AEA-da 161 kompanııa tirkelgen.