Saǵyntaev Eýrazııa damý banki keńesiniń otyrysyn ótkizdi
21:15, 15 Qarasha 2017
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Eýrazııa damý banki (EADB) keńesiniń otyrysy ótti, dep habarlaıdy primeminister.kz .
Otyrys barysynda bank qyzmetiniń qazirgi jáne perspektıvalyq baǵyttary, halyqaralyq qarjy ınstıtýttarymen yntymaqtastyq máseleleri, birlesken ıntegratsııalyq jobalardy iske asyrý, sondaı-aq, básekege qabilettilikti arttyrý máseleleri talqylandy.
Otyrys jumysyna beınekonferentsııa rejıminde EADB-ge múshe barlyq el qatysty. Keńes A. Belıanınovtyń banktiń basqarma tóraǵasy qyzmetine taǵaıyndalýyn biraýyzdan maquldady.
Eske sala keteıik, Eýrazııa damý banki 2006 jylǵy 12 qańtarda qol qoıylǵan memleketaralyq kelisim negizinde qurylǵan. Bankti qurýǵa Qazaqstan men Reseı prezıdentteri bastama bildirgen.