Saǵyntaev EAEO aıasyndaǵy saýda-sattyq kedergilerin joıýǵa shaqyrdy

ASTANA. QazAqparat - Eýrazııalyq ekonomıkalyq odaqtyń ishindegi kedergilerdi joıý jumystaryna erekshe mán berý kerek. EAEO-ǵa múshe memleketter úkimet basshylarynyń qatysýymen ótip jatqan otyrysta QR Premer-Mınıstri Baqytjan Saǵyntaev osylaı málim etti, dep habarlaıdy QazAqparat.

"Saýda-sattyqty ary qaraı damytý úshin Eýrazııalyq ekonomıkalyq odaqtyń ishki naryǵynda kedergisiz ortany qurý boıynsha jumystardy jalǵastyrý qajet. Búginde saýda-sattyq barysynda kezdesetin 60-tan astam tosqaýyl tizimi taraptarmen aıqyndaldy. Osy oraıda olardy joıý boıynsha jol kartalaryn daıarlaý turǵysynda jumystar júrip jatyr", - dep toqtaldy Úkimet basshysy.

Bul rette B. Saǵyntaev atalǵan jol kartalaryn úkimetaralyq keńestiń kelesi otyrysynda qarastyrý qajettigin basa aıtty.

"Sonymen birge ózara saýdada kedergilerdi joıý sharalaryna tyńǵylyqty mán berilý kerek. ıAǵnı, bul jumystar tek qaǵaz júzinde ǵana eskerilmeýi tıis. Sondyqtan aldaǵy mindetterdi sapaly ári tájirıbe júzinde iske asyrý qajet. Atap aıtqanda, Eýrazııalyq ekonomıkalyq odaq kelisimimen qarastyrylǵan ýaǵdalastyqtardy oryndaý nazarda bolýy tıis", - dedi QR Premer-Mınıstri.