Saǵyntaev Din isteri mınıstrliginiń ujymyna jańa mınıstrdi tanystyrdy

ASTANA. QazAqparat - Memleket basshysynyń tapsyrmasymen QR Premer-Mınıstri Baqytjan Saǵyntaev Qazaqstan Respýblıkasy Din isteri jáne azamattyq qoǵam mınıstrliginiń ujymyna jańa mınıstr - Darhan Káletaevty tanystyrdy. Bul týraly primeminister habarlaıdy. 

«Búgin Memleket basshysy Nurlan Ermekbaevty Qazaqstan Respýblıkasynyń din isteri jáne azamattyq qoǵam mınıstri qyzmetinen bosatyp, Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy qyzmetine taǵaıyndaý týraly Jarlyqqa qol qoıdy», - dep málimdedi QR Premer-Mınıstri Baqytjan Saǵyntaev.

Baqytjan Saǵyntaev Nurlan Ermekbaevqa atqarǵan jumysy úshin alǵys bildirdi.

«Vedomstvonyń qurylǵanynan beri bir jarym jyl ishinde onyń basshylyǵymen mınıstrlik jumysy júrgizildi, barlyq qajetti normatıvtik-quqyqtyq aktiler qabyldandy, kásibı ujym qalyptasty», - dedi Baqytjan Saǵyntaev jáne Nurlan Ermekbaevqa aldaǵy kásibı qyzmetinde tabys tiledi.

Memleket basshysynyń Jarlyqtarymen Darhan Káletaev QR din isteri jáne azamattyq qoǵam mınıstri bolyp taǵaıyndaldy, sondaı-aq QR Parlamenti Senatynyń depýtaty retindegi ókilettigi toqtatyldy.

Baqytjan Saǵyntaev túrli jyldarda elimizdiń áleýmettik-mádenı jáne qoǵamdyq ómirine belsendi qatysqan Darhan Káletaevtyń kásibı qasıetterin atap ótti. Mınıstrliktiń jańa basshylyǵy men ujymyna Memleket basshysynyń tapsyrmalaryn oryndaý boıynsha mindetter júkteldi.