Saǵyntaev almatylyq óndirýshilerdi qoldaýdy tapsyrdy
Áýezov aýdanyndaǵy «Spıra-Berga» zaýytynda gaz jáne sý qubyrynyń ınjenerlik jelilerine arnalǵan polıetılen qubyrlary shyǵarylady. Zaýyttyń óndiristik qýaty joǵary, munda jylyna 8 myń tonnadan astam ónim daıyndalady. Sondaı-aq, 75 jumys orny qurylǵan.
Qala ákimi alty jeli arqyly atqarylatyn óndiris úrdisimen tanysty. Jumys protsesteriniń basym bóligi avtomattandyrylǵan, onyń ishinde tsıfrlyq baqylaý jáne barlyq jumys toraptary men agregattarynyń parametrlerin basqarý da bar.
Memlekettik qoldaý sharalarynyń arqasynda kásiporyn óz jabdyqtaryn modernızatsııalaýda. Al, bul, jumys sapasyn arttyryp, qubyrlardy mehanıkalyq jáne ýltrakúlgin sáýlelerden zaqymdanýdan qorǵaıdy. Zaýyt Almatynyń sý, gaz, káriz qubyrlaryna, sonymen qatar kabelderdi sýarý jáne qurǵatý júıelerin qorǵaıtyn qubyrlarǵa degen suranysyn qamtamasyz ete alady.
Baqytjan Saǵyntaev qubyrlar assortımentin ıgerýdi jáne «Atameken» ulttyq kásipkerler palatasyna merdigerlik kompanııalarmen birge kásiporyndardyń tapsyrys berý máselesin qarastyrýdy tapsyrdy.
Almaty ákimi «Manýfaktýra 24» JShS áıelderdiń dızaınerlik kıimder shyǵaratyn óndiristik tsehyna da bardy. Munda 24 adam jumys isteıdi.
Shahar basshysy qalaǵ belgili bir taýarlarǵa jáne qyzmetterge degen suranysty qanǵattandyratyn ári sapaly jumys oryndaryn ashatyn osyndaı shaǵyn jáne orta bıznes kásiporyndarynyń qajet ekenin atap ótti.