Saǵyntaev: Almatyda memlekettik qyzmetterdiń 98 paıyzy avtomattandyrylǵan
Memleket basshysy Qazaqstannyń Eýrazııa aımaǵy ortalyq tsıfrlyq habqa aınalýy kerektigin atap ótti.
«Almaty bul mindetti júzege asyrýǵa óz úlesin qosýy tıis. Onyń ústine, ózderińiz bilesizder, ekonomıka salasy retinde tsıfrlandyrýdy damytý – qala ekonomıkasynyń qurylymyn dıversıfıkatsııalaý jónindegi baǵyttyń strategııalyq basymdyǵy», - dedi Baqytjan Saǵyntaev.
Búginde Almatyda memlekettik qyzmetterdiń 97,8% avtomattandyrylǵan. 2025 jylǵa deıin barlyq memlekettik qyzmetterdi smartfonmen elektrondy formatta usyný boıynsha jumys júrgiziletin bolady.
«2025 jylǵa deıin Smart Almaty strategııasy ázirlendi, qaladaǵy barlyq ІT-kompanııalardyń tizimi jasaldy», - dedi Almaty ákimi.
Almatydaǵy IT-qaýymdastyqty qoldaý jáne damytý úshin qalanyń barlyq ýnıversıtetteri men tehnologııalyq kompanııalaryn biriktiretin biryńǵaı baılanys keńistigi iske qosyldy. Jyl sońyna deıin «Frantsýz mektebi 01 úlgisinde» 2 myń adamǵa arnalǵan lıtsenzııasy bar baǵdarlamalaý mektebin ashý josparlanǵan. Alǵashqy kezdesý kelesi jylǵa josparlanǵan.
Sondaı-aq, Almatynyń ár aýdanynda jeke ınvestıtsııalardy barynsha tarta otyryp, baǵdarlamalaý, radıoelektronıka jáne ІT-ınkýbatorlar mektepterin ashý kózdelgen.