Saǵyntaev ákimderge kommýnaldyq qyzmet baǵasyn tómendetýdi tapsyrdy
«Elbasynyń tapsyrmasyn oryndaý barysynda biraz jumys atqaryldy. 2019 jyldyń qańtarynan bastap elektr energııasy men gaz tarıfteri, oǵan baılanysty jylý, sý tarıfteri tómendeıtin bolady. Kómir arzandaıdy. Mobıldik baılanys pen ınternet tarıfteri de tómendemek. ıAǵnı, Memleket basshysynyń qoıǵan tapsyrmalary birinshi qańtardan bastap iske asyrylýy qajet»,- dedi Baqytjan Saǵyntaev.
Osy rette Úkimet basshysy ákimdikterge kómirdiń qolaıly baǵasyn qamtamasyz etý úshin óńirlik operatorlardyń úzdiksiz jáne sapaly jumysyn qolǵa alýdy tapsyrdy.
«Ekinshiden, birqatar óńirde jyldyń basynan beri qoqys shyǵarý tarıfteriniń óskeni kórinip otyr. Máselen Shyǵys Qazaqstanda - 30, Batys Qazaqstanda - 46, SQO - 50, Almaty qalasynda 40 paıyzǵa ósip otyr. Jolaýshylar tasymaly boıynsha Aqtóbe oblysynda jolaqy 30 paıyzǵa ósken. Sol sebepti ákimderge oblystyń kommýnaldyq qyzmetteri tarıfteriniń ósýine jol bermeýdi jáne olardy tómendetý boıynsha tıisti jumys júrgizýdi tapsyramyn», - dedi Premer-Mınıstr.